Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 123

૧૦ર
વાણીથી લોકો તર્યા હશે પણ અત્યારે આપણે તેમના નામથી જ તરવાનું છે. અંત સમયે માણસો કહેશે કે નવકાર સંભળાવો... ભગવાનના નામનું સ્મરણ કરો.. તેમના નામથી જ સદ્ગતિ થશે... નામમાં પણ કેટલી તાકાત હશે? નરસિંહ મહેતાએ કહ્યું છે ને કે “રટણ કર રટણ કર કઠણ કલિકાળમાં દામ બેસે નહીં કામ સરશે.” વગર પૈસે માણસ પોતાનું કામ સુધારી લે એવી અજબ તાકાત પ્રભુના નામમાં છે. “નમો અરિહંતાણં નો જાપ કરતાંકરતાં આ અક્ષરો જ છે એમ ન સમજવું પણ સાક્ષાત પરમાત્મા છે. મથી ટેવતા ! એમ સમજીને સ્મરણ કરો. ઉપાસનામાં દેશ કાળનું અંતર હોતું નથી. જાપ કરતાં કરતાં એવું લાગવું જોઈએ કે ભગવાન મારી આજુ-બાજુ જ છે. મારી સાથે જ છે. મારે શું ચિંતા ? આવી નિષ્ઠાપૂર્વક કરાયેલું પ્રભુત્વ નામ-સ્મરણ કેમ ન તારે ? મરાઠીમાં એક ભજન છે - જેથે મીં જાતી તેથે તું માઝાં સાંગાથી. હું જ્યાં જાઉં ત્યાં તુ મારો સંગાથી રહેજે. ભગવાનને આપણે સંગાથી તરીકે માનીએ એજ જીવનની મોટી સિદ્ધિ છે. ભગવાન જેવો ભગવાન આપણો સંગાથી હોય પછી બીજું જોઈએ પણ શું? પુણ્યને સંગાથી માનવા કરતાં પરમાત્માને સંગાથી માન. ભગવાનને સંગાથી માનવાથી ઘણો ખોટાં કામો કરતાં આપણએ અટકી જઈએ. દહેરાસરમાં જઈએ તો આપણને કોઈ ખોટો વિચાર આવે કે તરત જ મન ટકોર કરે કે ભગવાન તારો સંગાથી છે. ભગવાન સાથે હોય પછી કોઈ ખોટો વિચાર કરાય ? ખરાબ વિચારથી પુણ્ય પણ પાપમાં ફેરવાઈ જાય છે.
ભગવાનનું નામ સ્મરણ પરલોકમાં સદ્ગતિને આપે છે અને આ લોકમાં આખું જગત જેની પાછળ પાગલ બન્યું છે, તે અર્થ અને કામની પ્રાપ્તિ પણ કરાવી આપે છે. આ સડકો પર હજારો ગાડીઓ દોડી રહી છે અને હજારો માણસો દોડી રહ્યા છે, એ શું ભગવાનને મેળવવા માટે દોડી રહ્યા છે ? ના, અર્થને માટે જ ને ! ભગવાનના નામનો જાપ કરો એટલે તીજોરીમાં નાણાં આવી જાય એમ નથી કહેતો. પણ સંપત્તિ સહેલાઈથી પ્રાપ્ત થાય. જ્યારે ભગવાનના નામનો સ્વાદ જીવનમાં આવશે ત્યારે બધા રસો-સ્વાદો ઓગળી જશે પછી જમતાં-જમતાં ભોજનમાં ઠેકાણું નહીં હોય ને તો ય ખબર નહીં પડે- મીઠું નાખેલું છે કે મીઠા વિનાનું છે? તેની ખબર નહીં પડે.