Page Text
________________
૧૦૧ વહેપારીનો કોઈ ગુન્હો નથી. છતાં રાજાના મનમાં આવા ખરાબ વિચારો આવે છે કેમ ? મંત્રી હંમેશા ચતુર હોય છે. તે વહેપારીને ત્યાં ગયા. વહેપારીને પૂછયું કેવો વહેપાર ચાલે છે ? વહેપારીએ પોતાની બધી જ હકીકત છૂપાવ્યા વિના કહી દીધી. મંત્રી સમજી ગયો કે રાજાને આવો ખરાબ વિચાર કેમ આવ્યો? કારણ કે આના મનમાં ખરાબ વિચાર રમી રહ્યા છે માટે. આત્મા એ અરીસો છે. તેમાં તરત જ પ્રતિબિંબ પડે છે. તમારા વિચારોનો પડઘો સામાના હૃદયમાં પડ્યા વિના રહેતો જ નથી. હવે મંત્રી રાજા પાસે પહોંચ્યો. રાજાને કહ્યું કે રાજન ! આપ તો મોટા મહારાજા છો. દુનિયામાં બધાને ત્યાં રસોઈ કોલસા કે લાકડાંથી થાય છે, પણ આપ એક વિશિષ્ટ વ્યક્તિ છો તેથી આપને ત્યાં રસોઈ ચંદનના લાકડાથી બનવી જોઈએ. રાજાએ તરત જ વાતનો સ્વીકાર કર્યો. ચંદનના વહેપારીને ત્યાંથી સામટું ચંદન ખરીદું. વહેપાર પાછો ધમધોકાર ચાલવા લાગ્યો. હવે ચંદનના વહેપારીના વિચારો બદલાયા. રાજા ઘણું જીવે તો સારું ! આના વિચારો બદલાયા એટલે રાજાના વિચારો પણ પલટાયા. રાજાને તેના પર એકાએક પ્રેમભાવ જન્મ્યો. તેની હાજરી તેને વધારે ગમવા લાગી.. એટલે રાજાએ મંત્રીને પૂછયું કે આમ કેમ? મારા વિચારો પાછા પલટાઈ ગયા, મંત્રીએ સત્ય હકીકત રાજાને જણાવી... આમ વિચારોનું એક જબરજસ્ત સામ્રાજ્ય છે. હજારો માઈલ દૂર બેઠેલો માણસ પણ એક-બીજાના ખેંચાણથી અચાનક આવી મળે છે. ચેતનાને અંતર હતું જ નથી. તેમજ કાળ અને ક્ષેત્રને પણ અંતર નથી. ભગવાન અને આપણી વચ્ચે ક્ષેત્રનું અને કાળનું કેટલું મોટું અંતર છે, છતાં આપણે એનો પ્રત્યક્ષ અનુભવ કરી શકીએ છીએ. ચેતના સર્વવ્યાપી છે. આપણે કોઈને બહુ યાદ કરતા હોઈએ તો એ માણસ આપણને જલ્દી મળે છે. આપણે ભલે ને દૂર હોઈએ છતાં તેના મનમાં પડઘો પડે જ છે. અરિહંત શબ્દ પણ મહાન છે
મહાપુરુષો તો કહે છે કે અરિહંત તો મહાન છે જ, પણ અરિહંતનું નામ પણ મહાન છે. ભગવાન જ્યારે વિચરતા હશે ત્યારે તો તેમના દર્શન
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |