Page Text
________________
૯૫ પાતાળ કળશા છે. તેમાંથી જ્યારે ક્રોધ વગેરે બહાર ઉછળતા હોય ત્યારે ભલભલા તપસ્વીઓ ને ત્યાગીઓ પણ ફેંકાઈ જતા હોય છે. ગીતામાં પણ કૃષ્ણ ભગવાને કહ્યું છે - ત્રિવધે નર તારું નાશનમત્મિનઃ ! : જોઇતથા રોમતાતત્ ત્રયં ત્યmત્ નરકના ત્રણ દરવાજા છેકામ, ક્રોધ અને લોભ... આજે મોટા ભાગના અનર્થો આ ત્રણના કારણે જ સર્જાય છે. કામ તારા પાપે...!
હમણાં થોડા દિવસ પહેલાં જ છાપામાં એક કિસ્સો આવેલો. ત્રણ જિગરજાન મિત્રો હતા, એક-બીજાને મળ્યા વગર ચાલે જ નહીં. એમ કહી શકાય કે જીવ એક ને ખોળિયાં જુદા. આવી મિત્રાચારી હતી. એકવાર એક દોસ્તની બહેન સાથે બીજા દોસ્તની આંખો મળી ગઈ. ધીમે-ધીમે બન્ને વચ્ચે પ્રેમ ગાઢ બનતો ગયો. વળી બીજા દોસ્ત સાથે પણ તેને લગાવ જામ્યો. સ્ત્રી એક અને તેને લેનાર બે જણા બની ગયા. એક દિવસ વાત-વાતમાં એક દોસ્તે કહ્યું કે મને તારી બેન સાથે પ્રેમ થયો છે. તું ગોઠવણ કરી આપ અમારા લગ્નની. ત્યાં બીજો બોલ્યો કે એની બેનની સાથે તો મારે પ્રેમ છે મારે તેને પરણવું છે. બન્ને વચ્ચે વિવાદ ચાલ્યો. છેવટે વિવાદનો અંત ખૂનથી આવ્યો. એક દોસ્તે બીજા દોસ્તને અમૂક જગ્યાએ મળવા બોલાવ્યો. દોસ્તીના નાતે ભોળાભાવે તે મળવા ગયો. ત્યાં જ તીક્ષ્ણ હથિયારોથી તેનું ખૂન કરી નાંખ્યું. કોના લીધે? કામ-વાસનાના લીધે જ ને ! કેવા સંબંધો સ્વાર્થિ અને ક્ષણિક છે. પૃથ્વીરાજ ચૌહાણ સંયુક્તા નામની સ્ત્રીના મોહમાં ડૂબી જવાથી આખા ભારતને હારી ગયો. - સમુદ્રમાં મોટાં-મોટાં આવર્તો હોય છે. જો એની અંદર કોઈ વહાણ આવી જાય તો તે ડૂબી જ જાય. તેમ આ સંસારરૂપી સમુદ્રમાં પણ મોહના મોટા મોટા આવર્તે છે. મોહના ચક્કરમાં જે ફસાયો તે ગયો. બ્રિટીશ સામ્રાજ્યનો રાજા કોઈ વિધવાના ચક્કરમાં ફસાઈ ગયો. બ્રિટીશ લોકોએ કહ્યું કે કાં તો સત્તા છોડો અને કાં તો વિધવાને છોડો. મોહના આવર્તમાં એવો તો ફસાઈ ગયેલો કે બ્રિટીશ રાજ્યને છોડી દીધું. સત્તા પરથી નીચે
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |