Page Text
________________
૯૬
ઉતરી ગયો. બ્રિટીશ રાજ્ય એટલું પથરાયેલું હતું કે એ રાજ્યમાં સૂર્ય કયારે આથમતો નહીં એમ કહેવાતું. આવા સમર્થ રાજ્યનો ધણી હોવા છતાં વિધવાના મોહમાં ફસાઈ ગયો. આમ સંસારને સમુદ્રની સાથે સરખાવવામાં આવ્યો છે. સમુદ્રમાંથી પાર ઉતરવું હોય તો આરો જોઈશે. સંસારના સમુદ્રમાંથી પાર ઉતરવા માટે અરિહંત પરમાત્મા તીર્થની સ્થાપના કરે છે. માટે તેઓ તીર્થંકર કહેવાય છે.
તીર્થસ્થાનનું મહત્ત્વ શા માટે ? કારણ કે તીર્થસ્થાનોમાં સારા વિચારો જ મોટા ભાગે ભરેલા હોય છે. દહેરાસરમાં જેટલો સમય બેઠા હોઈએ તેટલો સમય તો ખરાબ વિચારોથી બચીએ. દાદાના દર્શન કરવા જઈએ ત્યારે મોટાભાગે શુભ વિચારો જ આવે. કારણ કે વાતાવરણની અસર છે. કોઈ વેશ્યાના સ્થાન પાસેથી પસાર થઈએ તો ત્યાં ખરાબ પરમાણુથી વ્યાપ્ત હોવાના કારણે આપણા શુભ વિચારો પણ અશુભ બની જાય છે. સ્વામી વિવેકાનંદ માટે કહેવાતું કે રસ્તામાં ચાલતાં સિનેમાગૃહ વચમાં આવે તો પોતે તે સાઈડ છોડીને સામેની સાઈડે જતા રહે. સિનેમાગૃહ પુરું થાય પછી આ સાઈડે આવતા રહે.
માતૃભક્ત શ્રવણ
માતૃભક્ત શ્રવણના જીવનમાં પણ વિચારોથી એક પ્રસંગ બનેલો. શ્રવણ માતા-પિતાને કાવડમાં બેસાડીને તીર્થસ્થાનોમાં ફેરવી રહ્યો છે. મહારાષ્ટ્રમાં ગયો છે ત્યાં કાવેરી તીર્થસ્થાન છે. લોકોને પૂછે છે કે કાવેરી ક્યાં આગળ છે ? કાવડમાં માત-પિતાને બેસાડીને જઈ રહેલા શ્રવણને લોકો કહે છે કે કાવેરી-કાવેરી શું કરો છો ? તમે પોતે જ કાવેરી રૂપ છો. તીર્થથી તમે નહીં પણ તમારાથી તીર્થ પવિત્ર થશે. તમારી માતા-પિતા તરફની અજોડ ભક્તિ જ તીર્થસ્વરૂપ છે. આજે તો જો કે આ બધું લુપ્ત થઈ રહ્યું છે. આપણા દેશમાં તો કંઈકે જળવાઈ રહ્યું છે, પણ અમેરીકા વગેરે દેશોમાં તો ૧૬ વર્ષની ઉંમર થતાં જ પુત્ર માતા-પિતાને છોડી દે, પછી કોઈ જ લેવા-દેવા નહીં.
મા-બાપની ભક્તિ એ પુણ્યબંધનું કારણ છે. શ્રવણ પાણિપતના યુદ્ધના
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |