Page Text
________________
૯) અરિહંત પરમાત્મા જ ને ! જો એ ન મળ્યા હોત તો આપણા હાથમાં ધર્મ આવત જ નહીં. ધર્મ તો મિયાંભાઈ પણ કરે છે પણ કેવો? ડૂબાડનારો જ ને ! માટે માણસ જો શાંતચિત્તે વિચાર કરે ને તો એને અરિહંત પરમાત્મા તરફ બહુમાન જાગ્યા વગર રહેજ નહીં. ગુરુ પણ અરિહંતે ધર્મ સ્થાપ્યો પછી જ એમાં જોડાયા ને ! ગૌતમ સ્વામી ભલે શાસનને ચલાવનારા કહેવાય છતાં પણ જો ભગવાન મહાવીર ન મળ્યા હોત તો હોમ-હવન જ કરતા હોત ને! આવા ગુરુની ભેટ આપનાર કોણ? અરિહંત જ ને! સંતો કઈ મસ્તીમાં ડૂબેલા હોય છે? પ્રભુ મળ્યા તે મસ્તીમાં જ ને! જન્માંતરમાં જઈશું તો આ બધામાંથી એક ચીજ પણ સાથે આવવાની ખરી ! સાથે આવનાર તો ભગવાનનું સ્મરણ જ ને ! આમ મહાનમાં મહાન ઉપકારી કેન્દ્રસ્થાને રહેલા અરિહંત પરમાત્મા છે. માટે સાચો કૃતજ્ઞ માણસ રાત-દિવસ અરિહંતને ભૂલે નહીં. જ્યાં જ્યાં સારું છે એ બધું બતાવનાર અરિહંત છે, એને ભૂલાય કેમ ! જ્યારે જીવનમાં અરિહંતનું આગવું સ્થાન આવે છે. પછી એને દહેરાસરમાં વર નહીં, પણ ઘરમાં દહેરાસર આવી જાય છે.
ઉત્સર્પિણીકાલના છ આરા અને અવસર્પિણી કાલના છે આરા.. એમ બાર આરાનું કાળ ચક્ર વણથંભ્ય ચાલ્યા કરે છે. ઉત્સર્પિણી કાલનો પહેલો, બીજો અને ત્રીજો આરો અવસર્પિણી કાલના ચોથા, પાંચમા અને છઠ્ઠા આરા જેવા હોય છે. પહેલાં આરામાં સુખ જ સુખ હોય છે. ધરતીની માટીમાં સાકર કરતાં પણ વધારે મીઠાશ હોય છે. તે આરામાં રહેલા જીવો કાળ કરીને નિયમાનું સ્વર્ગે જ જતા હોય છે. તેઓ અત્યંત સરળ હોય છે. ઉત્સર્પિણી કાલના પહેલા આરાના ચાર કોડાકોડી સાગરોપમ વર્ષ, બીજા આરાના ત્રણ કોડાકોડી સાગરોપમ તથા ત્રીજા આરાના કોડાકોડી સાગરોપમ વર્ષ અને આજ રીતે અવસર્પિણી કાળના ચોથા, પાંચમાં અને છઠ્ઠા આરાના નવ કોડાકોડી સાગરોપમ વર્ષ કુલ અઢાર કડાકોડી સાગરોપમની સ્થિતિમાં ધર્મ હોતો જ નથી. ત્રીજા આરાનો મોટો ભાગ વ્યતીત થયા પછી અરિહંત પરમાત્માનો જન્મ થાય છે અને ધર્મની સ્થાપના કરે છે. અરિહંત ભગવાન સૂર્ય સમાન છે. એ સૂર્ય અઢાર કોડાકોડી સાગરોપમના અંધારાને ઉલેચે છે.
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |