Page Text
________________
સિદ્ધચક્રમાં કેન્દ્ર સ્થાને અરિહંત પરમાત્મા છે અને અરિહંત પરમાત્માના કેન્દ્રસ્થાને જગતના કલ્યાણની ઉચ્ચકોટીની ભાવના છે. તે ભાવનાથી તીર્થકર નામકર્મ ઉપાર્જન કરે છે. આ નામકર્મના પ્રભાવથી ભગવાનમાં એવી શક્તિ આવે છે કે તેનાથી તે તીર્થની સ્થાપના કરે છે. સ્થાપના કરવી એ ઘણું મોટું તથા અઘરું કામ છે. રસ્તો પડ્યા પછી એ રસ્તે ચાલનારા હજારો માણસો હશે. પણ રસ્તો પાડવો એ કઠિન છે. તીર્થની સ્થાપના પછી હજારો લાખો લોકો તરે. આજે આપણે એક સંસ્થાની સ્થાપના કરવી હોય તો સો વિચારો આવે છે. આજે હજારો માણસો ઘર છોડે છે, મોજશોખ છોડે છે, કોના નામે? ભગવાન મહાવીરના નામે જ ને ! અરે ! ભગવાન મહાવીરનો જન્મ થયો એટલું સાંભળવા માટે કરોડો રૂપિયા ખર્ચાય છે. કેવું અજબ વ્યક્તિત્વ હશે કે એક વ્યક્તિના નામે હજારો લોકો તરી ગયા. કેવું અજબનું પુણ્ય ! માસક્ષમણના પારણે માસક્ષમણ. તેમાં એક જ ચિંતન કે બસ બધા જીવોને હું કેમ સુખી કરું ? દુઃખમાંથી જીવો કેમ મુક્તિ પામે ! શાસનપ્રેમી બને ! બધાનું કલ્યાણ કેમ થાય ? આ એક જ વિચારણા. ભગવાનના રોમ-રોમમાં કલ્યાણની ભાવના પડેલી છે. આ ભાવનામાંથી જ આવું અજબ કોટીનું પુણ્ય ઉપાર્જન થાય છે. આપણા રોમેરોમમાં સ્વાર્થની ભાવના ભરેલી છે. ભગવાનના રોમે રોમમાં પરાર્થ ભરેલો પડેલો છે માટે તો ભગવાન પરાર્થવ્યસની કહેવાયા. વિચારધારાનું પુણ્ય
આપણી વિચારધારા કેટલી નબળી છે. એક સંઘ કાઢે તો ય ચાંદીની ફ્રેમવાળા માનપત્રની ઝંખના કરે ! કેટલી તુચ્છતા. એના બદલે એમ વિચારે કે આ માનપત્રને હું લાયક છું ખરો? મારા પર કૃપા કરીને આ સંઘમાં જોડાઈને માણસોએ મારી લક્ષ્મીને સાર્થક કરવાની મને તક આપી છે. આવી ઉચ્ચવિચારધારા હોવી જોઈએ. ધનસાર્થવાહના ભવમાં ભગવાન આદિનાથ સાથે લઈને જાય છે. મનમાં એક જ વિચારણા છે કે હું એકલો જ સુખી થાઉં એ ન ચાલે, મારા ગામના બધા માણસો સુખી થવા જોઈએ. માટે તો સાથે લઈ જતાં પહેલાં ઘોષણા કરાવે છે કે જેને આવવું હોય તે ચાલો, સગવડ
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |