Page Text
________________
૮૩
હવે કાંઈ કમાણી કરી શકીશ નહીં. માટે પરદેશ જાઉં. કમાણી કરવા પરદેશ ગયા. કેટલાંક કર્મો ક્ષેત્ર બદલાતાં પૂરાં થતાં હોય છે. પરદેશમાં શેઠનું પુણ્ય ખીલ્યું. સારી એવી લક્ષ્મી મેળવી. સ્વદેશ યાદ આવ્યો. અઢળક લક્ષ્મી સાથે સ્વદેશ પાછા ફરી રહ્યા છે. ગામના માણસોને ખબર પડી કે શેઠ ખૂબ કમાણી કરીને આવી રહ્યા છે. શેઠનું સામૈયું કરવું જોઈએ. મિત્રો બધા ભેગા મળ્યા. સામૈયું લઈને સામે ગયા. શેઠ એકદમ સિમ્પલ ડ્રેસમાં આવી રહ્યા છે. કોઈને કલ્પના પણ ના આવે કે આ માણસ અબજોની સંપત્તિવાળો છે. શેઠ આગળ ચાલે છે પાછળ ઘોડા પર ધનનો ખડકલો છે. એક-બે ઘોડા નહીં. પણ પાંચપચ્ચીસ ઘોડાના કાફલા સાથે આવી રહ્યા છે. સૌની મોખરે શેઠ છે છતાં લોકો ઘણા વર્ષ પછી અને સાદા ડ્રેસમાં રહેલા શેઠને ઓળખી શકતા નથી. તેમને શેઠનો નોકર સમજીને પૂછે છે કે શેઠ કયાં છે ? શેઠે કહ્યું કે પાછળ ઘોડા પર આવે છે. લોકો પાછળ ગયા, ઘોડા પર તો માલ-સામાન સિવાય કોઈ દેખાતું નથી, પાછા આગળ આવીને તેમને જ પૂછે છે કે પાછળ તો કોઈ નથી શું તમે જ શેઠ છો કે? શેઠ કહે છે કે હા, શેઠ તો હું પોતે જ છું પણ તમે જેનું સામૈયું કરવા આવ્યા છો તે ઘોડાની પીઠ પર છે. It is on the Horse back. લોકો શરમિંદા બની ગયા. શેઠ કહે છે કે હું તો એનો એ જ છું. પહેલાં જ્યારે મારી પાસે આ (ધન) હતું ત્યારે તમે મને પૂજતા હતા. અને આજે પણ આ આવ્યું એટલે પૂજતા આવ્યા. સંસારમાં આવું જ ચાલતું હોય છે. સ્વાર્થ હશે ત્યાં સુધી તમે ફૂલે પૂજાશો, અને સ્વાર્થ પૂરો થતાં એ જ લોકો તમને પથરા મારનારા હશે.માટે તો મહાપુરુષો કહે છે કે ભાઈ ! જરા વિચારી જો, દીર્ઘદ્રષ્ટિથી વિચારો તો તમને સમજાશે કે આ ધન-દોલતની કોઈ જ કિંમત નથી. છે યુવાવસ્થામાં માણસ ધનને માટે આરોગ્ય ગુમાવે છે અને પછી ! વૃદ્ધાવસ્થામાં આરોગ્ય માટે ધન ગુમાવે છે, અંતમાં તેની પાસે એક રહેતું નથી. !
મોટા સમંદર શા કામનાં, તૃષા કોઈની ન ટળે, એથી નાની નદીઓ ભલી, જ્યાં સર્વને શાંતિ મળે...)
For Private & Personal Use Only
Jain Education International
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |