Page Text
________________
આસો સુદ-૬
દીર્ઘદૃષ્ટિ
પરમકૃપાળુ પરમાત્મા આપણને ધર્મનો મંગલમય માર્ગ બતાવવ જણાવી રહ્યા છે કે ધર્મનો સ્પર્શ જીવન સાથે હોવો જોઈએ. એક સંઘ કાઢયો નવ્વાણું કરાવ્યું, ચોમાસું કરાવ્યું. કોઈ જગ્યાએ ભગવાન બેસાડયા. એટલે ધર્મ થઈ ગયો એમ ન માનશો. ધર્મ તમારા એક-એક વ્યવહારમાં વણાયેલો હોવો જોઈએ.
ઝાડના મૂળમાં પાણી રેડવાનું હોય છે, એની શાખા પર કે ફળ પર પાણી રેડવાનું નથી. મૂળમાં પાણી રેડો એટલે વૃક્ષ એની મેળે ફૂલશે અને ફાલશે. તેમ બધા જ સુખોનું મૂળ એવા ધર્મને કરો. સુખો આપમેળે આવશે. ધન મેળવવાની અનાદિકાળની જે સંજ્ઞા છે એને દૂર કરીને ધર્મ મેળવવાની લગની જગાવો. પૈસો જીવને માણસ બનાવી શકતો નથી... અર્થાત્ મનુષ્યજન્મ અપાવી શકતો નથી. ચક્રવર્તીને અબજોની સંપત્તિ હોય છે છતાં જો તે છોડે નહીં તો તે નરકમાં જાય છે, માટે સંપત્તિ મળે એટલે સદ્ગતિ મળી જાય એવું માનીને બેસી ન રહેશો. ધર્મને ગંભીરતાથી વિચારવો જોઈએ. દીર્ઘદૃષ્ટિથી સમજવો જોઈએ. શાસ્ત્રમાં એક દૃષ્ટાંત આવે છે. ડાંગરના દાણા પર કથા
એક શેઠ હતા. તેને ચાર દિકરા.. ચારે દિકરાને પરણાવ્યા. શેઠ હવે સંસારના વ્યવહારોમાંથી મુક્તિ ઈચ્છતા હતા. દિકરા બધું સંભાળી શકે તેવા થાય એટલે તમે નિવૃત્ત થવા ઈચ્છો કે નહીં ? કેટલાક માણસો એવા હોય છે કે છેલ્લા શ્વાસ સુધી વ્યવહાર ને ધંધાને છોડે નહીં - છેવટે મૃત્યુ આવે એટલે બધું છૂટી જાય. સંસારની ઉપાધિમાંથી મુક્ત થાઓ તો તમને ધર્મ કરવાનો-વિચારવાનો સમય મળે. શેઠે વિચાર્યું કે ઘરનો આટલો મોટો કારભાર કોને સોંપવો ? વહુઓની પરીક્ષા કરવા તેણે એક મોટો સમારંભ યોજ્યો. બધા સગા-સ્વજનોને બોલાવ્યા. પછી બધાની વચમાં વારા ફરતી એક-એક વહુને બોલાવે છે. અને ચારે વહુને ડાંગરના પાંચ-પાંચ દાણા સાચવવા માટે આપે છે. અને કહ્યું કે હું માગું ત્યારે મને આપજો. મોટી
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |