Page Text
________________
એવાં સંવેગમય અમૃત સમાન વચને કરીને વિદ્યાધરોનો ઈદ્ર આનંદ પામીને કહેવા લાગ્યો કે હે કુમર ! ધન્ય છે તમને ! મારા ભાગ્યે કરી તથા મેં પૂર્વ ભવે કરેલાં પુણ્યના યોગ થકી તમે ઈહાં આવ્યા છો, તો મારી પ્રાર્થના સફલ કરો, તે શું ? તો કે તમે મદનવતી અને મદનમંજરી એવે નામે બે મારી પુત્રીઓ છે, તેનું પાણિગ્રહણ કરો. તે સાંભલી કુમર બોલ્યો કે હે વિદ્યાધરાધીશ ! પોતાથી અજાણ્યાં છે કુલ વંશ જેનાં એવાને કન્યા ન દેવી, એવી શાસ્ત્રની નીતિ છે, માટે શી રીતે અજાણને દેવાય ? તે વારે ખેચરેંદ્ર બોલ્યો કે હે પુરુષ ! તમારું રુપ અને લક્ષણ તેણે કરીને તમારાં કુલ વંશ પણ મેં જાણી લીધાં, જે માટે વૈરાગર પર્વત વિના હીરો નીપજે નહીં. એમ કહીને વિદ્યાધરેંદ્ર મોટે મહોત્સવે કરી તેને પોતાની બે પુત્રીઓનું પાણિગ્રહણ કરાવ્યું.
તે કરાવ્યા અનંતર વલી ખેચરેંદ્ર કહ્યું કે હે કુમર ! રાજસુખની લીલાએ યુક્ત એવા અમારા ઘરને વિષે તમારે રહેવું. તે સાંભલી કુમર બોલ્યો કે મારી પરણેલી ચાર સ્ત્રીઓ અટવીમાં મૂકી છે, તેની શોધને અર્થે હું પ્રથમ જઈશ, તિહાં લગે તમારા ઘરને વિષે તમારી પુત્રીને રાખવી. હું તે ચાર સ્ત્રીઓની ખબર લઈ ત્રણ માસ ને સાત દિવસે ઈહાં આવીશ. એમ કહી ખેચરેંદ્રને નમસ્કાર કરી રજા માગી. તે વારે વિદ્યાધરે તેને અદેશ્યાંજની તથા ગગનગામિની એવી બે વિદ્યાઓ દીધી, અને જવાની આજ્ઞા આપી. હવે કુમર ત્રણ માસ ને સાત દિવસની પ્રતિજ્ઞા કરી આકાશપંથે તિહાંથી ચાલ્યો. તે પ્રથમના વનને વિષે આવીને દિવસના ચાર પ્રહર લગે તે ચાર સ્ત્રીઓને જોઈ, પણ ક્યાંહિ દીઠી નહીં. એવામાં રાત્રિને વિષે વનમાં ભમતાં કોઈ એક સ્ત્રીને આક્રંદ કરતી માટે સ્વરે રુદન કરતી અહં અહં એવું નામ મુખથી પોકારતી સાંભલી. તેના શબ્દાનુસારે ઘેર્ય ધરીને ખગ હાથમાં લઈ સાવધાનપણે કુમાર ચાલ્યો. આગલ જતાં અટવી માંહે હાથીના મુખને વિષે કન્યારત્ન પ્રત્યે દેખતો હતો. તે વારે તે કુમાર પરોપકારબુદ્ધિએ ખગે કરી હાથીને હણીને કન્યા મૂકાવીને પૂછતો હતો કે હે ભદ્રે ! શ્વા અર્થે તમે આ વનને વિષે હાથીના મુખમાં આવી પડ્યાં ?
એમ પૂછવાથી કન્યા કહેવા લાગી કે હે ધીર ! સાંભલો, મારી કથા જેમ છે, તેમ હું તમારી આગલ કહું છું. શ્રીપુરનગરને વિષે શ્રીચંદ્ર નામે
શ્રી પર્યુષણા
૧૭૮
Jain Education International 2010_03
For Private & Personal Use Only
www.jainelibrary.org
| SR No. | 004573 |
| Book Title | Paryushanparvadik Parvoni Kathao |
| Original Sutra Author | N/A |
| Author | Amrutkushal Pandit, Satyasundarvijay |
| Publisher | Jinshasan Aradhana Trust |
| Publication Year | 2000 |
| Total Pages | 210 |
| Language | Gujarati |
| Classification | Book_Gujarati, Religion, Story, & Paryushan |
| File Size | 9 MB |