Page Text
________________
૨૨
અમે પણ આ કનોડાની શોધમાં હતા જ. વિ. સં. ૨૦૩૩માં પાટણ જતી વખતે ધીણોજ આવેલા ત્યારે ત્યાંના સ્થાનિક શ્રાવકોને પૂછપરછ કરેલી પણ કોઈની પાસેથી માહિતી જ ન મળી. તે પછી સાતેક વર્ષ એ રીતે વીત્યાં. અરે, અમે વિ. સં. ૨૦૩૮માં પાટણ ચોમાસું કર્યું ત્યારે પણ તેની કશી ભાળ ન મળી પણ વિ.સં. ૨૦૪૦ના દેવકીનંદન સોસાયટીના ચોમાસા પછી તો દૃઢ સંકલ્પ સાથે જ વિહાર કર્યો. ઉત્તર ગુજરાત જવું છે અને કનોડા શોધવું છે. અને સાચે જ અમે બલોલમાં પ્રભુજીની વર્ષગાંઠ ઊજવીને પાલજ થઈને ગાંભૂ તરફ જતા હતા ત્યારે રસ્તામાં ગાંભૂ-હાઇસ્કુલના પરીક્ષા આપવા જતા વિદ્યાર્થીઓ મળ્યા. તેઓના મોઢે કનોડા ગામનું નામ સાંભળ્યું અને મનમાં આનંદની લહેરખી ફરી વળી. કહે કે ગાંભૂની નજીકમાં જ છે. પછી તો ગાંભૂ પહોંચ્યા. તપાસ કરી. ત્યાંથી માત્ર છ કિ.મી. કનોડા છે તે જાણ્યું. વળતે દિવસે એટલે કે મહામહિનાની પૂનમે ખૂબ રોમાંચ સાથે કનોડા ગામની ધરતી ઉપર પગ મૂક્યો અને તેની રજ માથે ચઢાવી. વળી પ્રશ્ન થયો કે આ કનોડા ગામ સાચું, પણ પંડિત શ્રી નયવિજયજી કુણગે૨થી કનોડા આવેલા તે આ જ કનોડા કે બીજું? વળી શ્રી યશોવિજ્યજી અહીંના જ કે બીજા કનોડાના? ગામનું એક માણસ પણ આ વાતમાં સાક્ષી પૂરે તો વિશ્વાસ બેસે. એટલે ગામમાં એ વાતની ખાતરી કરવા માટે તપાસ કરવા માંડી. ઘરડામાં ઘરડાં જનોને શોધ્યાં. તેમાં અમને જેમને ૯૯મું વર્ષ ચાલતું હતું તેવા શ્રી છબાભા જાની મળ્યા. અને તેઓએ કહ્યું કે “હા. અમારા ગામનો એક જસવંત કરીને છોકરો વર્ષો પહેલાં જૈન સાધુ થએલો.' બસ, અમને ઘણો સંતોષ થયો. એમણે કહ્યું કે દેરાસરનાં ખંડેરો અમે જોએલાં. એક દેરાસર હતું, જૈનોની વસતી હતી. ભાવસારનાં પણ ઘર હતાં પણ કાળક્રમે એ બધું ગયું તેથી વખત જતાં જૈનોના નકશામાંથી ગામ નીકળી ગયું. આ કનોડા ગામ ગાંભૂથી પૂર્વમાં છ કિલોમીટ૨ે છે. તેની દક્ષિણે ધીણોજ છે. ‘સુજસવેલી ભાસ'માં ઉલ્લેખ કરતાં શ્રી કાંતિવિજ્યજી જણાવે છે કે,
યશોજીવન પ્રવચનમાળા
Jain Education International
For Private & Personal Use Only
www.jainelibrary.org
| SR No. | 004564 |
| Book Title | Yashojivan Pravachanmala |
| Original Sutra Author | N/A |
| Author | Pradyumnasuri |
| Publisher | Shrutgyan Prasarak Sabha |
| Publication Year | 1998 |
| Total Pages | 154 |
| Language | Gujarati |
| Classification | Book_Gujarati, Discourse, & History |
| File Size | 17 MB |