________________
મારી શક્તો હોય એ દેશમાં રાજાની આજ્ઞાનું કેવું અદ્ભુત પાલન ! અને, તમારા જેવા સમ્રાટ રાજા, ગુરુના ચરણોમાં બેસીને રોજેરોજ ઉપદેશ સાંભળે, ગુરુની એકે-એક આજ્ઞા માને... તો ગુજરાતમાં જ
જોયું !'
મહમદ સાથે કુમારપાલે ઘણી વાતો કરી...
ધર્મની વાતો કરી અને પોતાની રાજનીતિની વાતો કરી. ત્રણે દિવસ મહમદે ગુરુદેવ હેમચન્દ્રસૂરિની મુલાકાતો લીધી, અને જૈન ધર્મના ઉપદેશ સાંભળ્યા.
જતી વખતે મહમદે જ કહ્યું : ‘ગુરુદેવ, મારા રાજ્યમાં પ્રતિવર્ષ છ મહિના જીવહિંસા નહીં થવા દઉં. આપની આજ્ઞાનું પાલન કરીશ.' કુમારપાલે મહમદને સુંદર રથ આપ્યો.
ભાવભરી વિદાય આપી.
સાથે, પચીસ બુદ્ધિશાળી અને બળવાન રાજપુરુષોને મોકલ્યા. તેમને કહ્યું : ‘તમે મહમદ સાથે એના દેશમાં જજો. ત્યાં થોડા દિવસ રહી પાછા આવજો.’
પાટણમાં ચોરે ને ચૌટે મહમદની જ વાત ચાલતી રહી. મહમદના પલંગને જોવા ઉપાશ્રયમાં લોકોનાં ટોળેટોળાં આવવા લાગ્યાં.
ગુરુદેવે કરેલા ચમત્કારની વાતોએ, પ્રજામાં ગુરુદેવ પ્રત્યે ખૂબ પ્રેમભાવ વધારી દીધો.
મહમદે પોતાના મલકમાં જઈને ઢંઢેરો પિટાવ્યો.
‘વર્ષમાં છ મહિના કોઈએ પણ જીવહિંસા કરવાની નથી. જે કોઈ જીવહિંસા કરશે તેને મૃત્યુની સજા થશે.'
પછી બાદશાહે, કુમારપાલ માટે ખૂબ ભેટ-સોગાતો ગુજરાતના રાજપુરુષોને આપીને, ભાવભરી વિદાય આપી.
આ રીતે મુસલમાનના દેશમાં પણ કુમારપાલે અહિંસાધર્મનો પ્રચાર કરાવ્યો.
૧૪૪
Jain Education International
For Private & Personal Use Only
સર્વજ્ઞ જેવા સૂરિદેવ
www.jainelibrary.org
