________________ श्रीसिद्धहेमचन्द्रशब्दानुशासनम् 141 न नाम्येकस्वरात खित्युत्तरपदेऽमः / 3 / 2 / 9 // समासारम्भकमन्त्यं पदम् उत्तरपदम्, तस्मिन् खित्प्रत्ययान्ते उत्तरपदे परे 'नाम्यन्तादेकस्वरात् पूर्वपदात् परस्याऽमो लुब् न' स्यात् / स्त्रियंमन्यः, नावंमन्यः / नामीति किम् ? मंमन्यः / एकस्वरादिति किम् ? वधुंमन्या / खितीति किम् ? स्त्रीमानी // 9 // असत्त्वे उसेः / 3 / 2 / 10 // 'असत्त्वे विहितस्य ङसेरुत्तरपदे परे लुब् न' स्यात् / स्तोकान्मुक्तः / असत्त्व इति किम् ? स्तोकभयम् / उत्तरपद इत्येव- निःस्तोकः // 10 // ब्राह्मणाच्छंसी / 3 / 2 / 11 // अत्र समासे ‘ङसेढुंबभावो निपात्यते' / ब्राह्मणाच्छंसिनौ / निपातनाद् ऋत्विविशेषादन्यत्र लुबेव - ब्राह्मणशंसिनी स्त्री // 11 // ___ओजो-ऽञ्जः-सहो-ऽम्भस्-तमस्-तपसष्टः / 3 / 2 / 12 // एभ्यः परस्य 'टावचनस्योत्तरपदे परे लुब् न' स्यात् / ओजसाकृतम्, अनसाकृतम्, सहसाकृतम्, अम्भसांकृतम्, तमसाकृतम्, तपसाकृतम् / ट इति किम् ? ओजोभावः // 12 // . .. पुंजनुषोऽनुजा-ऽन्धे / 3 / 2 / 13 // पुम्-जनुर्ध्या परस्य 'टो यथासंख्यमनुजेऽन्धे चोत्तरपदे लुब् न' स्यात् / पुंसाऽनुजः, जनुषाऽन्धः / ट इत्येव- पुमनुजा // 13 // आत्मनः पूरणे / 3 / 2 / 14 // अस्मात् परस्य 'टः पूरणप्रत्ययान्ते उत्तरपदे लुब् न' स्यात् / आत्मनाद्वितीयः, आत्मनाषष्ठः // 14 // मनसश्चाऽऽज्ञायिनि / 3 / 2 / 15 //