________________ સંસ્કૃત બીજી ચોપડી 259 केयूरा न विभूषयन्ति पुरुषं हारा न चन्द्रोज्ज्वला न स्नानं न विलेपनं न कुसुमं नालंकृता मूर्धजाः / वाण्येका समलंकरोति पुरुषं या संस्कृता धार्यते क्षीयन्ते खलु भूषणानि सततं वाग्भूषणं भूषणम् // 10 // विद्या नाम नरस्य रूपमधिकं प्रच्छन्नगुप्तं धनं विद्या भोगकरी यशःसुखकरी विद्या गुरुणां गुरुः / विद्या बन्धुजनो विदेशगमने विद्या परा देवता विद्या राजसु पूजिता न तु धनं विद्याविहीनः पशुः // 11 / / सूनुः सच्चरितः सती प्रियतमा स्वामी प्रसादोन्मुखः स्निग्धं मित्रमवश्चकः परिजनो निष्क्लेशलेशं मनः / आकारो रुचिरः स्थिरश्च विभवो विद्यावदातं मुखं तुष्ट विष्टपहारिणीष्टदहरौ संप्राप्यते देहिना // 12 // प्राणाघातानिवृत्तिः परधनहरणे संजमः सत्यवाक्यं काले शक्त्या प्रदानं युवतिजनकथामूकभावः परेषाम् / तृष्णास्रोतोविभङ्गो गुरुषु च विनयः सर्वभूतानुकम्पा सामान्यः सर्वशास्त्रेष्वनुपहतविधिः श्रेयसामेष पन्थाः // 13 // प्रारभ्यते न खलु विघ्नभयेन नीचैः प्रारभ्य विघ्नविहता विरमन्ति मध्याः / विघ्नः पुनः पुनरपि प्रतिहन्यमानाः प्रारब्धमुत्तमजना न परित्यजन्ति // 14 // प्रिया न्याय्या वृत्तिमलिनमसुभङ्गेऽप्यसुकर मसन्तो नाभ्यर्थ्याः सुहृदपि न याच्यः कृशधनः / विपद्युच्चैः स्थेयं पदमनुविधेयं च महतां सतां केनोद्दिष्टं विषममसिधाराव्रतमिदम् // 15 //
