________________ // 100 // // 101 // // 102 // // 103 // // 104 // // 105 // चित्रेऽस्मिन् लिखिता बाला, दत्ते नालापमेव हि / अन्यैस्तु विभ्रमैः सर्वैः, साक्षाद्भूतैव दृश्यते विभावयामि तदिदमेतच्चित्रककर्मणः / बहुक्रियाव्यग्रमना, विश्वकर्माऽपि नाधिकः किं सत्यमिदमित्यूचे, मन्मथः पद्मकेसरम् / सोऽप्याह प्राणिनां मित्र !, विचित्राश्चित्तवृत्तयः चित्रेऽतिकुशला कन्या, भाति चित्रकृतोऽपि मे / ललितः प्राह किं चित्रं, दृष्टं क्वाप्यनया कृतम् किन्नरीणामविषये, दुर्गमे सुरयोषिताम् / विद्याधरीणां दुर्लक्ये, दुष्प्रवेशेऽन्ययोषिताम् चित्ते गूढे कुमारस्य, सत्त्वसारे न दृश्यते / किमेतया कृतं चित्रमित्यूचे पद्मकेसरः विभ्रमः प्राह किं चित्रं, नन्वाश्चर्यमिदं स्फुटम् / - मूढ ! श्लेषादिदं ह्येतदित्यूचे पद्मकेसरः कपोलोऽवक् कथं गम्यं, हृतमस्य मनोऽनया / मूढ ! लिङ्गैरतिव्यक्तैरित्यूचे पद्मकेसरः यावन्न भवति श्रान्तं, मनः कामावलङ्घनात् / न निःश्वासादयो भावास्तावाविर्भवन्ति हि कुमारमेव पृच्छ स्याद्, यदि न प्रत्ययो मयि / प्रोचे हरिकुमारोऽथ कृतं यत्तत्प्रलापतः चारु प्रश्नोत्तरं किञ्चित्, पठ तावदनाविलः / जगावथ विनोदार्थ, सहासं पद्मकेसरः हृदि प्राप्नोति कश्चित्रं, कां चित्रामधिगत्य मे / वाचामाचारपूतात्मा, साधुस्त्यजति का पुनः // 106 // // 107 // // 108 // // 109 // // 110 // // 111 // 03
