________________ // 1122 // // 1123 // // 1124 // // 1125 // // 1126 // // 1127 // अतिलङ्घय ततो धर्मध्यानं विध्वस्तकल्मषः / स शुक्लं पूरयामास, सर्वकर्मवनानलम् आरुह्य क्षपकश्रेणि, हत्वा घातिचतुष्टयम् / प्राप्तोऽथ केवलज्ञानं, निर्व्याघातमनुत्तरम् देवाः समाययुस्तत्र, तत्पूजार्थं चतुर्विधाः / दध्वान मधुरं व्योम्नि, दुन्दुभिर्देवताडितः। ननृतुर्मुदिता देव्यः, किन्नर्यो मधुरं जगुः / व्यकिरन् पुष्पवृष्टिं च, सुपर्वाणो मनोहराम् भ्रमभ्रमरविस्तारिझङ्कारमुखरः क्षणात् / प्रदेशो विविधैः सोऽभूत्, दिव्यगन्धैर्विसृत्वरैः गोशीर्षचन्दनालिप्तं, दिव्यधूपेन वासितम् / मुनीन्द्रस्य वपुश्चक्रुभक्तिभाजो दिवौकसः अथ योगत्रयं रुधवा, शैलेशीमधिरुह्य च / देहत्रयेण निर्मुक्तः, स प्राप परमं पदम् विशेषपूजां ते कृत्वा, ततस्तस्य महात्मनः / निजस्थानं गता देवा, भक्त्या विध्वस्तकल्मषाः महाभद्राऽथ तेनैव, क्रमेणाखिलकर्मणाम् / क्षयं कृत्वा गता मोक्षं, किन्तु भक्तपरिज्ञया तथा सुललिता साध्वी, तपःक्षपितपातका / अनयैव दिशा मोक्षं, गता भक्तपरिज्ञया. ते च श्रीगर्भराजाद्या, मुनयः सुदृढव्रताः / सुमङ्गलाद्याः साध्व्यश्च, प्राप्ताः स्वर्लोकसम्पदम् एतद् बैरनुसुन्दरस्य चरितं लीलावशेनापि हि, श्रोत्रातिथ्यमनायि भावुकजनैस्तस्मिन् मनोनन्दने / कैश्चित् तैर्जगृहे समग्रविरति: कैश्चित् पुनः श्राद्धता, सम्यक्त्वं शुचि कैश्चिदीयुरपरे मार्गानुसारिस्थितिम् // 1128 // // 1129 // // 1130 // // 1131 // // 1132 // // 1133 // 209
