________________ दत्त्वाऽनुशिष्टिमित्थं च, सूरेस्तस्य कृतानतेः / सूरयः पुण्डरीकाख्याः, प्राहुः शिष्यगणं प्रति // 1109 // युष्माभिरपि नैवायं, विमोक्तव्यः कदाचन / संसारसागरोत्तारे, यानपात्रस्य सन्निभः // 1110 // अस्य त्यागे भगवतामाज्ञालोपः कृतो भवेत् / / ततो विडम्बनामात्रं, गृहत्यागादिचेष्टितम् / // 1111 // ततः कुलवधून्यायात्, कार्य निर्भर्त्सतैरपि / युष्माभिरस्य न त्याज्यं, पादमूलं कदाचन // 1112 // इदं गुरुवचः सर्वे, स्वीकुर्वन्ति स्म साधवः / प्रययौ पुण्डरीकोऽथ, विधिना गिरिकन्दराम्। // 1113 // स दत्तालोचनस्तत्र, सिद्धान् संस्थाप्य चेतसि / भावनां विततानेत्थं, कारणं धर्मशुक्लयोः // 1114 // ज्ञानदर्शनचारित्रतपोवीर्यमयोऽस्म्यहम् / अन्तरात्मा मयोत्सृष्टं, क्रिययाऽप्यधुनाऽपरम् // 1115 // समाधिजलधौताङ्गो, गालिताखिलकल्मषः / . वर्तेऽहं स्नातकः शुद्धो, निरुपाधिस्वभावभृत् - // 1116 // क्षाम्यन्तु सर्वजीवा मे, क्षमयामि च तानहम् / निर्वैरः साम्प्रतं वर्ते, व्युत्सृष्टाखिलकल्मषः // 1117 // तीर्थेश्वरास्तथा सिद्धाः, साधवो धुतकल्मषाः / / धर्मो जिनोदितश्चैते, भवन्तु मम मङ्गलम् // 1118 // स्थितं सामायिके शुद्धे, मनोजालनिरोधकम् / पश्यन्तु त्यक्तचेष्टं मां, सिद्धास्त्रैलोक्यदर्शिनः // 1119 // इह दुश्चरितं किञ्चिद्, यद् यच्चान्यत्र मे भवे / अभून्निन्दामि तदहं, सर्वं संवेगभावितः ... // 1120 // इत्येवं भावनामग्नः स महात्मा शिलातले / ... पादपोपगमं कृत्वा, स्थितो जितपरीषहः // 1121 // 208
