________________ उच्यतां वैष्णवं वा तद्, ब्राह्मणं वाऽभिधीयताम् / ' बौद्धं वा गीयतां यद्वा, माहेश्वरमुदीर्यताम् // 1083 // कथ्यतां वाऽथ जैनेन्द्र, ज्ञाताथैर्मानवैर्मतम् / अविनष्टे हि भावार्थे, शब्दभेदो न दुष्यति // .1084 // प्रसीदन्त्यर्थवैशद्यान्न बुधाः शब्दमात्रतः / विनाऽर्थं देव इत्युक्तो, मूर्ख एव हि तुष्यति . // 1085 / / इत्थं च दर्शनैकत्वे, भानतो ये स्वदर्शनम् / तीर्थिका व्यापकं ब्रूयुर्वादस्तैः सह कीदृशः // 1086 // मोहेनाच्छादितानां हि, पुण्डरीक महामुने ! / बहूनि दर्शनानीति, मोहोऽयं संप्रवर्तते // 1087 // भेदबुद्धिनिवर्तेत, तन्नाशे दर्शनाश्रया / स मुञ्चेदाग्रहं तत्र, तथा चोक्तं मनीषिभिः // 1088 // रिक्तस्य जन्तोर्जातस्य, गुणदोषानपश्यत्तः / विलब्धा बत केनामी, सिद्धान्तविषमग्रहाः // 1089 // अहं चारुरचारुस्त्वं, मदीयं चारु दर्शनम् / न त्वदीयमिति स्पष्टं, मत्सरस्य विजृम्भितम् // 1090 // सदृष्टयो हि यावन्तस्तावन्तः शुद्धदर्शने / ममत्वरहिताः सन्ति, तेषामस्त्येकवाक्यता . // 1091 // ये त्वक्षीणमलत्वेन, स्वमताग्रहयालवः / . तेषां जात्यन्धतुल्यानामपकर्णनमुत्तरम् // 1092 // अथवा बोधनीयास्ते, तत्त्वं यत्नशतैरपि / मोहापोहात् परः कोऽपि, नोपकारोऽस्ति भूतले // 1093 // स्वतीर्थं व्यापि चेत् तीर्थ्या, ब्रूयुस्तत्र किमुत्तरम् / . इति प्रश्ने मयाऽऽख्यातं, तदिदं ते सदुत्तरम् // 1094 // यदा च दृष्टिवादाङ्गे, समग्रनयसागरे / पतन्तीक्ष्यसि व्यक्तं, कुदृष्टिसरितोऽखिलाः // 1095 //
