________________ यच्च ते ध्येयनानात्वमस्ति संसार(शय)कारणम् / तत्रापि परमार्थोऽयं, निश्चयायावधार्यताम् // 1020 // बध्नाति भावैः संक्लिष्टैः, पापं पुण्यं तथेतरैः / आत्मा समाहितोऽत्यन्तमौदासीन्येन मुच्यते // 1021 // स्वभाव एव जीवस्य, यत् तथा परिणामभाग् / बध्यते पुण्यपापाभ्यां, माध्यस्थात्तु विमुच्यते // 1022 // तत्र हिंसाधनुष्ठानाद्, भवन्ति भ्रमकारकात् / संक्लिष्टाश्चित्तकल्लोला, देहेऽपथ्याद् यथा गदाः // 1023 // तथा दयाद्यनुष्ठानाज्जायन्ते स्थैर्यकारकात् / प्रशस्ताश्चित्तकल्लोला, यथा पथ्यात् सुखासिकाः // 1024 // चित्तजालोपसंहारि, ध्यानं यत् पुनरुत्तमम् / निर्जरामात्रजनकं, तदौदासीन्यमिष्यते . // 1025 // भवेन्नानाविधोपायश्चित्तजालोपसंहतिः / भावतीर्थे स्थितस्यातो, ध्येयभेदो न दुष्यति // 1026 // बहि:शुद्धक्रियाध्येयैर्यन्मोक्षाय मुमुक्षवः / नानाविधैः प्रगल्भन्ते, माध्यस्थं तत्र कारणम् // 1027 // किन्तु जीवस्य जायन्ते, यथा चेतःप्रसत्तये / परमात्मादयो ध्येया, नैव बिन्द्वादयस्तथा . // 1028 // यौ त्वालम्बनभेदेन, स्वसंवेदनशालिना / चेत्त:शुद्ध्यन्यथाभावी, प्रत्याख्येयौ न तो पुनः // 1029 // नानारुचित्वाज्जीवानां, ततो माध्यस्थशालिनाम् / बिन्द्वादयोऽपि केषाञ्चिद्, भवेयुश्चित्तशोधकाः // 1030 // विज्ञायापि च ये तत्त्वं, लुब्धाः सन्तोऽर्थकामयोः / असदालम्बना योगाभिमानात् सुखमासते // 1031 // 271
