________________ वनिर्वापयत्यक्ष्णोः, पीयूषमभिवर्षति / ततोऽहं प्रणतोऽमुष्यै, धर्मलाभमियं ददौ // 720 // जगाद च महाराज !, मानुष्ये मोक्षकारणे / ... प्राप्तेऽन्यत्र न गन्तुं ते, युक्तमुन्मार्गसंश्रयात् // 721 // नीयमानस्य चौरस्य, वध्यस्थाने स्वमन्तुना / कि राज्य के विलासास्ते, किं वा स्वास्थ्यं विचिन्तय / / 722 // किं च मद्दर्शनात् तस्या, जाता जातिस्मृतिस्तदा / सर्वं सोदन्तमाकन्दमुनिकालात् ततोऽस्मरत् // 723 // उत्पन्नमवधिज्ञानं, शुभभावात् तदाश्रयात् . / तेन दृष्टं ममाप्युच्चैर्भगवत्या विचेष्टितम् // 724 // ततोऽसावाह राजेन्द्र !, किं न स्मरसि यत् तदा / लालितः प्रौढलीलाभिर्ममाग्रे गुणधारण ! // 725 // क्षान्त्याद्यन्तःपुरं प्राप्य, परमानन्दमेदुरः / भावराज्ये स्थितो यत् त्वं, तत् किं नु तव विस्मृतम् // 726 // किं न ते स्मृतिमायाति, विमलाचार्यभारती / भवप्रपञ्चो निखिलः, प्रोक्तोऽनन्तोऽपि ते यया // 727 // यत्प्रसादात् त्वया प्राप्तं, सुखं ग्रैवेयकादिषु / सदागमः स ते त्राणं, तत् प्रबुद्ध्यस्व मा मुहः // 728 / / तवैवाहं प्रबोधाय, करुणाः समागता / विहाय चित्तशून्यत्वमन्तस्तत्त्वं विलोकय // 729 // अत्रान्तरे च प्रस्तावं, ज्ञात्वा मत्सम्मुखं पुनः / सम्यग्दर्शनसद्बोधावागन्तुं चक्रतुर्मनः // 730 // दुष्टान्तरारिवर्गेण, संरुद्धौ तमसा पथि। विकुर्वितेन मे पार्श्व, नागन्तुं शक्नुतः स्म तौ // 731 // 046
