________________ पुण्यपापोदयौ तस्मान्मुख्यहेतू शुभाशुभे / . निमित्तमात्रं बाह्यास्तु, पदार्था गुणधारण ! // 336 // मयोक्तं भगवन् ! नष्टोऽधुना मे संशयोऽखिलः / .. बुद्धं च तत्त्वं यत् पूर्व, सुस्थिताज्ञाविलङ्घनात् // 337 // तैः कर्मपरिणामाद्यैर्महामोहादिपोषिभिः / क्रुद्धैः प्रचोदितात् पापोदयाद् दुःखं बभूव मे // 338 // यदा स्वयोग्यतापेक्षसुस्थितानुग्रहान्मम / जातं ज्ञानं कृतः पोषश्चारित्रादिबलस्य च // 339 // तैः कर्मपरिणामाद्यैरनुकूलैस्तदा मम / . . प्रौढपुण्योदयद्वारा, दाप्यते सुखमालिका // 340 // केवलं भगवद्भिर्यत्, प्रोक्तं पुण्योदयेन ते / ईदृक् सुखलवो दत्तस्तत्र मे कौतुकं महत् // 341 // यतो यस्मिन् दिने लब्धा, मया कनक(मदन)मञ्जरी / दिव्यरत्नसमूहाश्च, भाभिर्भानुसनाभयः // 342 // चिन्तामात्रेण स(श)मितं, खेचराणां च विड्वरम् / / बन्धूभूता मिथस्ते च, प्रपन्ना मम भृत्यताम् // 343 // ताताम्बादिमनस्तोषः, कृतस्तैः खेचरैः सह / प्राप्तो महोत्सवैगेंहं, गीतं सर्वैर्यशश्च मे // 344 // तद्दिनं मे महानन्दात्, प्रतिभातं सुधामयम् / वर्धमाने च मदनमञ्जरीस्नेहपादपे // 345 // जाते कन्दमुनीन्द्रस्य, दर्शने मित्रतां गते / साते सदागमे श्राद्धधर्मे सम्यक्त्वभाजि च // 346 // राज्ये परिणतेऽत्यन्तं, यः सुखातिशयोऽजनि / जाता तेन ममावज्ञा, स्वर्गलोकसुखेष्वपि // 347 // 214
