________________ गुणरक्ततया युक्तस्तथा, द्वादशमानुषैः / कुलन्धरेण स श्राद्धधर्मः पल्या च मे श्रितः // 216 // मया पृष्टो मुनीन्द्रोऽथ, कन्दः स्वप्नार्थसंशयम् / / स प्राह निर्णयो न स्यादस्यातिशयिनं विना // 217 // सर्वज्ञा गुरवः सन्ति, दूरे मे निर्मलाभिधाः / . तान् वन्दिष्ये यदा तेऽमुं, तदा प्रक्ष्यामि संशयम् // 218 // संशयो हृदि ते जातो, योऽयं स्वप्नद्वयाध्वना / एकमार्गप्रणाल्या तं, ते छेत्स्यन्ति महाधियः // 219 // मया प्रोक्तं कथञ्चित् ते, भदन्त ! गुरवो यदि / अत्रायान्ति भवेत् तहिं, शोभनादपि शोभनम् // 220 // मुनिराह महाभाग ! गतोऽहं गुरुसन्निधौ / विज्ञप्य त्वगिरा तांस्ते; पूरयिष्यामि कामितम् // 221 // ज्ञात्वाऽत्र ते भवद्भावमेष्यन्ति स्वयमेव वा / सम्यक्त्वसहितः पाल्यो, गृहिधर्मस्त्वया परम् // 222 // इदं कन्दमुनेर्वाक्यं, श्रुत्वा तच्छासनस्थितः / . समित्रश्च सभार्यश्च, तं नत्वाऽहं गृहं गतः // 223 // ततः सोऽपि मुनियुक्तो, मुनिभिर्गुरुसन्निधौ / प्रययावुपविन्ध्याद्रि, करीव कलभान्वितः // 224 / / अथ लोकान्तरीभूतः, पिता मे मधुवारणः / ततो राज्येऽभिषिक्तोऽहं, बन्धुमन्त्रिमहत्तमैः // 225 // उज्ज्वलैरपि रक्ताऽभूद्, गुणैर्मम नृपावलिः / / मरुद्भिरपि सद्भक्तिस्थैर्यं मयि समादृतम् // 226 // न नामितं क्वचिच्चापं, कृता भ्रूनॆव भङ्गुरा / . . तथापि मां नताः सर्वे, शत्रवो भयभङ्गुराः . // 227 // 204
