________________ // 792 // // 793 // // 794 // // 795 // // 796 // // 797 // साकेतनगरे नन्दवणिजो जनितः सुतः / भार्याया धनसुन्दर्या, गुटिकादानयोगतः अमृतोदर इत्याख्या, मम पित्रा प्रतिष्ठिता / प्राप्तोऽहं यौवनं हृद्यं, स्मरसिंहगुहोपमम् दृष्टः सुदर्शनः साधुर्मयोद्याने दिदेश सः / धर्मं तदा तदभ्यर्णे, भूयो दृष्टः सदागमः किञ्चिद् भद्रकभावेन, नमस्कारादिपाठकृत् / द्रव्यश्राद्धस्ततो जातो, गतो मृत्वा सुगलये. स्थितो भवनवासित्वे, सार्द्धपल्योपमस्थितिः / सुखानि तत्र भुञ्जानो, विस्मृत्यैव सदागमम् भार्यया पुनरानीतः, पुरेऽहं मानवालये / बन्धुदत्तवणिग्भार्या, तत्रासीत् प्रियदर्शना तस्यास्तनयभावेन, कृतोऽहं बन्धुनामकः / संप्राप्तयौवनोऽद्राक्षं, सुसाधुं सुन्दराभिधम् मया तस्य समीपस्थो, दृष्टो भूयः सदागमः / . पुनरप्यस्य सम्बन्धि, ज्ञानमल्पं च शिक्षितम् ततोऽहं श्रमणो जातो, द्रव्यतस्तत्प्रभावतः / महर्द्धिय॑न्तरो देवो, जातोऽहं विबुधालये विस्मृतत्वेन नो नीतो, मया तत्र सदागमः / पुनश्च मानवावासे, गतेन प्रविलोकितः इत्थं चानन्तशः कालमनन्तं भ्रमता भवे / मया सदागमो दृष्टो, विस्मृतश्च पुनः पुनः विस्मृतेऽस्मिन् मया भ्रान्तं, भवचक्रं निरन्तरम् / द्रव्यश्राद्धयतित्वेन, पुनर्दैवादलम्भि सः // 798 // // 799 // // 800 // // 801 // // 802 // . // 803 // 118
