________________ सुखाय केवलं मोक्षः, सकलक्लेशवर्जितः / तस्य हेतुरहिंसादिहिंसादिर्भवकारणम् // 168 // बुध्वैवं भवनैर्गुण्यं, मुक्तेश्च गुणरूपताम् / मोक्षोपाये प्रयतते, यथागममुदारधीः .. // 169 // शमारोग्यलवं प्राप्य, संसारव्याधिपीडितः / .. निःशेषतत्क्षयोपाये, दुष्करेऽपि प्रवर्तते - // 170 // सदुपायफलप्राप्तेश्चारित्रोत्साहत: क्रमात् / भूत्वा स सर्ववित् क्षीणकर्मा याति शिवालयम् // 171 // सुसाधुगुरुसम्पर्कजन्येयं श्रेयसां ततिः / युक्तमुक्तमतस्तेन, बोधितो ब्राह्मणैरहम् // 172 // सर्वे ह्यविरता जीवाः, कर्ममद्यरताः किल / स्थिता अपि भवापाने, साधवस्तत्पराङ्मुखाः // 173 // प्रव्राजितोऽसौ तैरेव कर्ममद्यानिवारितः / जरयित्वा व्रतैर्गन्ता, तदजीर्णं भवाद् बहिः // 174 // तद् भवापानके स्थातुमीदृशे नावयोरपि / युक्तमित्यकलङ्कस्य, गी द्यापि मयाऽऽदृता // 175 // स्थितोऽहं मौनमाधाय, शून्यारण्ये यथा मुनिः / . अकलङ्को ययौ तुर्यमुनेः पाद्यं मयाऽन्वितः . // 176 // सोऽपि नत्वाऽकलङ्केन, पृष्टो वैराग्यकारणम् / तेनोक्तमरघट्टो मे, जातो वैराग्यकारणम् // 177 // नित्यायुक्तो मया दृष्टोऽरघट्टो भवनामकः / रागद्वेषात द्राख्याश्चत्वारस्तत्र कर्षकाः // 178 // सर्वशीरपतिस्तत्र, महामोहः प्रकीर्तितः / .. कषायसंज्ञका दृप्ता, बलिवर्दास्तु षोडश .. // 179 // 16
