________________ // 323 // // 324 // // 325 // // 326 // // 327 // // 328 // इतश्चास्ति महासत्त्वः, सिद्धान्तः पुरुषोत्तमः / .. कर्माद्यत्यन्तभेदज्ञो, हितदः सर्वदेहिनाम् विनेयस्तस्य मृदुधीरप्रबुद्धाभिधोऽजनि / स पप्रच्छेह भगवन् !, किमिष्टं किं ततोऽन्यथा सिद्धान्तः प्राह सर्वेषामभीष्टं देहिनां सुखम् / .. ज्ञेयं दुःखमनिष्टं च, प्रवृत्तिविनिवृत्तितः अप्रबुद्धोऽब्रवीद्धेतुः, कस्तयोरथ तं जगौ। .. सिद्धान्तः सुखकृद् राज्यं, दुःखकारि तदेव च नोद्भाव्यश्च विरोधोऽत्र, धर्मभेदव्यवस्थितेः / दुःखं दुष्पालितं दत्ते, सुखं राज्यं सुपालितम् अप्रबुद्धोऽवदद् राज्यं, स्तोकानामेव दृश्यते / सिद्धान्तः प्राह सर्वेषामेवाभ्यन्तरमस्त्यदः एकं वा तदनेकं वेत्यप्रबुद्धेन भाषिते / जगौ यथास्थितं तत्त्वं, सिद्धान्तो विश्ववत्सलः एकं सामान्यतस्तद्धि नैकरूपं विशेषतः / सामान्यराज्ये संसारिजीवस्तत्र महानृपः ज्ञानध्यानादिरत्नौधैः, कोशस्तत्र भृतः स्मृतः। गाम्भीर्यौदार्यशौर्याद्याः, स्यन्दनास्तत्र सुन्दराः / गजाः सौष्ठवसौजन्यप्रभुत्वप्रणयादयः / वाग्मित्वमुख्यास्तुरगा, दाक्षिण्याद्याः पदातयः चारित्रधर्मनामा च, राजते प्रतिनायकः / महानृपस्य संसारिजीवस्यातिहितावहः मन्त्री तस्यास्ति सद्बोधः, सम्यक्त्वाख्यो महत्तमः / यतिधर्मस्तथा श्राद्धधर्मश्च तनयावुभौ . // 330 // // 331 // // 332 // // 333 // // 334 //
