________________ . // चतुर्थः स्तबकः // इतश्च पुर्यां नृगतौ विशाले, सत्पाटके यद्भरताभिधाने / जयस्थलं नाम पुरं तदीशः, पद्माभिधोऽभून्मघवा पृथिव्याः॥ 1 // जगन्मनोरोपितहर्षकन्दा, नन्दाभिधा तन्महिषी बभूव / प्रवेशितोऽहं प्रियया तयाऽस्याः, कुक्षौ सपुण्यः समये प्रसूतः // 2 // ननन्द नन्दा तनयो ममाभूदिति प्रवृद्धादभिमानसौख्यात् / / प्रमोदकुम्भाभिधदासवाक्याद्, राजाऽपि तुष्टः प्रददौ वसूनि // 3 // विनिर्मितो जन्ममहोत्सवो मे, व्यधायि नन्द्युत्तरवर्धनाख्या / तिरोहिता प्रागभिधा ततश्च, ममाऽप्यभूत् तत्तनयाभिमानः // 4 // सिञ्चन्निवाक्ष्णोरमृतं विलासैस्तातस्य मातुश्च तथा जनानाम् / धात्रीभिरुच्चैरथ लाल्यमानस्त्रिवार्षिकोऽभूवमनशर्मा // 5 // इतश्च याऽन्तःपरिवारमध्ये, बभूव मे धात्र्यविवेकिताख्या / असूत मज्जन्मदिने सुतं सा, कृतं च वैश्वानरनाम तस्य // 6 // विषादवैराततनिम्नपादो, द्रोहाभ्यसूयाकठिनोरुजङ्घः / अक्षान्तिचित्तानुशयासमोरुः, प्रलम्बपैशुन्यकटिप्रदेशः // 7 // मध्यं दधानः, परमर्मभेदसंज्ञं च कोष्ठाकलितप्रमाणम् / उःस्थलेनातिविसंकटेन, तापेन दीप्तो दृढदुर्नयांसः // 8 // क्षारत्वमात्सर्यविरूपबाहुः क्रूरत्वदीर्घोच्चशिरोधराभृत् / असभ्यभाषादिविकीर्णदन्तः, चण्डत्वनिर्भर्त्सनशून्यकर्णः // 9 // - हास्यो दधानश्चिपियं च नासां, स्थानाकृति तामसभावसंज्ञाम् / / रौद्रत्वनैघृण्यसुरक्तनेत्रस्त्रिकोणदुष्टाचरणाख्यशीर्षः // 10 // असङ्गतापिङ्गलकेशभारो, विराधनासूत्रधृतत्रितन्तुः / . मया प्रदृष्टोऽथ स विप्रसूनुर्दोःशील्यलीलानिरतः कुनीतिः // 11 //
