________________ // 163 // // 164 // // 165 // // 166 // // 167 // // 168 // कञ्चिदन्यं च ते लोकव्यवहारं न कुर्वते / पुरमव्यवहाराख्यमतस्तद् गीयते बुधैः संसारिजीवोऽभूवं तद्वास्तव्योऽहं कुटुम्बिकः / स्थितौ तत्रान्यदाऽऽस्थाने, बलाध्यक्षमहत्तमौ अत्रान्तरे प्रतीहारी, नाम्नाऽनादिविचित्रता / एत्य विज्ञपयामास, नत्वेति रचिताञ्जलिः व्यवहारनियोगाख्यो, दूतो द्वार्येष तिष्ठति / प्रेषितः सत्वरं कर्मपरिणामेन भूभुजा युवां प्रमाणमत्राथ, प्रवेश्योऽयं मया न वा / ताभ्यामुक्तं प्रवेश्योऽसौ, तयाऽप्याशु प्रवेशितः तेनापि तौ नंतौ भक्त्या, ताभ्यां दापितमासनम् / उक्तं च सुखिनो देवाः, किमर्थं प्रेषितो भवान् स प्राह सुखिनो देवा, निश्चिन्ता वोऽधिकारतः / यः पुनः प्रेषणे हेतुर्मम सोऽयं निगद्यते जयत्यचिन्त्यमाहात्म्या, लोकस्थितिरनश्वरी / भगिनी देवपादानां, साऽत्रार्थेऽधिकृता च तैः अस्त्यस्माकं सदा शत्रुर्दुरुच्छेदः सदागमः / हत्वा सोऽस्मद्दलं कांश्चिल्लोकानयति निर्वृतौ एवं च विरलीभूते, लोके संपत्स्यतेऽयशः / अस्माकं तत् त्वया कार्यमिदं लोकस्थितेऽनघे मद्भुक्तान्ति यावन्तः, पुरादव्यवहारतः / तावन्त एव निष्काश्यास्त्वयेत्थं न क्षतिर्भवेत् महाप्रसाद इत्येवं, सोऽधिकारोऽनया धृतः / सदागमेन दृष्टाश्च, केचित् सम्प्रति मोचिताः // 169 // // 170 // // 171 // // 172 // // 173 // // 174 // 1
