________________ अयोग्यत्वादतस्तेषां, गाढोद्विग्नः सदागमः / नोपकाराय चूकानां, तिग्मांशुरिव जायते .. // 103 // अयं तु भव्यपुरुषः, सुमतिश्चेति पात्रताम् / ज्ञात्वा स्वज्ञानसंक्रान्तेरत्र तुष्टः सदागमः // 104 // पुनः सुललिता प्राह, का नु शक्तिः सदागमे / न बोधयति पापिष्ठान्, यदि लोकान् प्रसह्य सः // 105 // जगावथ महाभद्रा, सुरेन्द्रैरपि दुर्जयः / यः कर्मपरिणामोऽयं, तं हुङ्कारेण नाशयन् // 106 // पादौ प्रदाप्य तन्मौलावनन्तान् मोचयत्ययम् / प्रवर्तते परं तस्य, कुपात्रेष्ववधीरणा // 107 // उपेक्षिताश्च ते तेन, कदर्थ्यन्तेऽत्र कर्मणा / ये त्वत्र भक्तिमन्तोऽपि, कुर्वते विकलक्रियाम् // 108 // कुर्वते भक्तिमात्रं वा, नाम वा लान्ति केवलम् / सन्मार्गे पक्षपातं वा, दधत्यस्यानुरागतः // 109 // एतन्नामाऽप्यजानानाः, प्रकृत्या भद्रकाश्च ये। . सर्वेऽपि ते ह्यभिप्रेताः, सदागममहात्मनः // 110 // तान् कर्मपरिणामस्तन्न बाढं बाधितुं क्षमः / किन्तु दत्ते श्रियस्तास्ताः, सदागमवशंवदः // 111 // भद्रे ! तन्नास्य माहात्म्यं, कोऽपि वर्णयितुं क्षमः / कुठारो दोषवृक्षाणामसौ गुणवनाम्बुदः // 112 // अथ मग्ना सुललिता, मुग्धा संदेहवारिधौ / क्वैतावान् गुणसंदोहः, स्तुतिः परिचयादियम् // 113 // आह प्रज्ञाविशालां सा, नूनं मग्नाऽस्मि संशये / तत् त्वयाऽसौ मदुद्धृत्यै, दर्शनीयः सदागमः / // 114 // પ૬
