________________ // 43 // // 47 // पुण्डरीक इति स्पष्टं, कृतस्तत्करणोत्सवः / इतश्च सासुललिता, कुतूहलपरायणा विचरन्ती वनें तत्र, गता सूरि स्म पश्यति / वर्णयन्तं गुणान् भाविभद्रभूपात्मजन्मनः (त्रिभिर्विशेषकम्) // 44 // शुभेन कर्मणा कालपरिणत्याऽनुकूलया / अयं हि नृगतौ पुर्या, जातः श्रेयांसि लप्स्यते // 45 // अयं हि भव्यपुरुषः, सुमतिश्चेति सुन्दरम् / सर्वमत्रोचितं योगः, क्षीरे खण्डस्य खल्वयम् (युग्मम्) // 46 // तदाकर्ण्य जनास्तुष्टा, दध्यौ सुललिता परम् / . भेदोऽयं जनकादेः कः, कथं भावि च वेत्त्यसौ इति शङ्कापरा गत्वा, वसतिं सा प्रवर्तिनीम् / पप्रच्छ साऽतिमुग्धां तां, ज्ञात्वाऽवादीत् सविस्तरम् // 48 // अस्तीह लोकविख्याता, नृगतिनगरी शुभा / अन्याः सर्वा नगर्योऽस्यां, मग्नाः, सिन्धाविवापगाः // 49 // अस्यां देवकुलाकारास्तुङ्गा मेंर्वादयो नगाः / पर्वतः सर्वतः सालो, विशालो मानुषोत्तरः // 50 // वर्षाचलपरिक्षेपाः, पाटका भरतादयः / विदेहरूपो हट्टाध्वा, विजयापणपतिभृत् // 51 // लवणोदधिकालोदौ, महाराजपथाविह / पाटकौघास्त्रयो जम्बूधातकीपुष्करार्धकैः // 52 // कोऽस्या वर्णयितुं शक्तो, गुणसंभारगौरवम् / महापुरुषरत्नानां, भूरियं भूरितेजसाम् // 53 // एनां शास्ति नृपः कर्मपरिणामो महाबलः / नीतिमुल्लङ्घ्य यो विश्वं, तृणायापि न मन्यते // 54 // 51
