________________ मेदस्विनी सुबुद्धिर्जाता मुदितश्च धर्मबोधकरः / उल्लसिता तस्य दया, प्रीतं नृपमन्दिरं निखिलम् // 244 // जातश्च यशोवादो, योऽयं राज्ञाऽवलोकितः सम्यग् / तत्सूदस्याभिमतस्तद्दयया पालितो विधिना // 245 // सद्बुद्ध्याऽनुगृहीतस्त्यक्तापथ्यश्च तत्प्रभावेन / सद्भेषजसेवनया, विमुक्तकल्पश्च रोगौघैः // 246 // सोऽयं नो निष्पुण्यः; किन्तु महात्मा सपुण्यको नूनम् / न हि दारिद्यापादककर्महतश्चक्रवर्ती स्यात् // 247 // अथ तिष्ठतो नृपगृहे, तस्य दयाबुद्धिदलितदोषस्य / ... न भवति पीडा व्यक्ता, सूक्ष्मा प्राग्दोषतस्तु स्यात् // 248 // अथ सूक्ष्मभावदोषप्रतिघातपरायणः प्रशमपूर्णः / / परिगलितलोकसंज्ञो, वैषयिकसुखे निराकाङ्कः // 249 // अक्ष्णोविमलालोकं, निदधात्यञ्जनमधीतपरमार्थः / तत्त्वप्रीतिकृदम्भः, पिबति च नित्यं पवित्रात्मा. // 250 // विधिना भुङ्क्ते च महाकल्याणं चरणकरणचारुमतिः / धीधृतिरोजः स्वास्थ्यं, प्रस्फुरति ततो धामहर्षश्च // 251 // यः प्रेतः प्रागासीद, देवः सोऽनेन साम्प्रतं विहितः / इति धर्मबोधकयशोमहिमा जगति प्रसृमरोऽभूत् // 252 // प्रथमदशावैराग्यादित्थं स्फीताशयश्चरणमानी / स्वगुणासङ्गवनेऽसौ, क्रीडां कर्तुं कदापि ययौ // 253 // तत्रात्मसंस्तुतिलताः, परनिन्दाशल्यपल्लवाताम्राः / . विस्फारगारवफलाः, पूजाकुसुमस्मिता दृष्टाः // 254 // तादृशलताभिरभितो, रमणीयं प्रेक्ष्य किल तदुद्यानम् / शयितस्तच्छायायां, व्ययितो यत्नोऽञ्जनादीनाम् . // 255 // 44
