________________ इतरद्वयसंपादकमिह सदनुष्ठानमेव चादेयम् / गृहियतिधर्मविभेदाद् द्विविधं सम्यक्त्वमूलं तत् .. // 124 // पुनराहासौ भगवन् ! किं सम्यक्त्वं न तन्मया विधृतम् / / . गुरुराह भद्र ! देवः, सर्वज्ञो ध्वस्तभावरिपुः // 125 // तदभिहिताश्च पदार्था, जीवाऽजीवादयो नवावितथाः / / रत्नत्रयं च धर्मस्तदभिहितः शिवपुरस्यावा // 126 // तच्चारिणश्च गुरवो, वन्द्या इति बुद्धिरेव सम्यक्त्वम् / शङ्कादिदोषरहितं, गम्यं प्रशमादिभिलिङ्गैः // 127 // इति कथयता भगवता, तीर्थाम्भः पायितो. बलेनासौ / . मोहक्षयोपशमतो, नष्टप्रायस्तदोन्मादः // 128 // अथ निर्गतदाहार्तिर्दध्यौ हा कथमयं महात्माऽपि / वञ्चकबुद्ध्या दृष्टो, दृक्पटुतास्वास्थ्यहेतुर्मे // 129 // याऽयोग्येऽपि मयि कृपा, योग्येष्विव भगवतोऽजनि प्रथिता / सर्वत्र वर्षतः खलु, जलमेषा जलमुचः प्रकृतिः // 130 // इति भावयन् विमुञ्चति, रौद्रत्वमसौ मदान्धतां त्यजति / ऋजुतां गच्छति रागं, शिथिलयति तनोति न द्वेषम् // 131 // . अभिनिविशते च तत्त्वे, तत्त्वधियं त्यजति धनकलत्रादौ / लक्षयति गुणविशेष, स्मरति स्वाचारदोषं च // 132 // अभिसंस्कारप्रभवाः कुविल्पास्तस्य कुसमयोल्लसिताः / चण्डपवनाद् घना इव गुरुसङ्गादेव परिगलिताः // 133 // ययुरधिगमसम्यक्त्वात् सहजाश्चाशनीयशङ्काद्याः / . धनविषयादिषु मूर्छा, दिग्मोहसमा तु न निवृत्ता // 134 // यद्वशगोऽयं जीवः, शास्त्रार्थज्ञोऽपि मूर्खतां भजते / . पश्यन्नपि च न पश्यति, कर्तुं शक्नोति न निवृत्तिम् // 135 // . 4
