________________ कार्यं हितं बलादपि, जानन्नित्यथ कृपापरीतमनाः / चिक्षेप तस्य वदने, तत्सलिलं स स्वसामर्थ्यात् // 112 // द्रव्यश्रुतसंप्राप्तौ, सम्यक्त्वगुणोपवर्णनं सम्यक् / उदकनिमन्त्रणकल्पं, धर्माचार्यस्य विज्ञेयम् // 113 // दृष्टत्यागादृष्टाश्रयणाभ्यां किं स्ववञ्चनेन मम / इति या शङ्का श्रोतुस्तुच्छत्ववशादनिच्छेयम् // 114 // तत्प्रतिबोधाय गुरुः, कथाप्रसङ्गेन वर्णयत्यर्थम् / / कामं च तत्र हष्यति, सोऽभ्यस्तार्थानुसंधानात् // 115 // श्रवणाभिमुख्यकरणात् सफलोऽयं यत्न इति गुरुः प्रतियन् / कामार्थहेतुभूतं, धर्मं भावेन वर्णयति // 116 // यस्तुल्यसाधनानां, फले विशेषोऽपहेतुको नाऽसौ / इति सुखदुःखनिदाने, धर्माधर्मो दुरपलापौ // 117 // तत्राखिलभावानां, हेतुरधर्मः, किलाप्रशस्तानाम् / धर्मस्तु सुन्दराणां, तेनासावेव पुरुषार्थः / // 118 // अथ स प्राह न धर्मः, कथं न कामार्थवद् दृशोविषयः / / गुरुराह भद्र ! पश्यति, विवेक्यमुं नैव मोहान्धः // 119 // त्रिविधो धर्मो हेतुस्वभावकार्यप्रभेदतो गदितः / सदनुष्ठानं हेतुस्तत्रेदं दृश्यते व्यक्तम् // 120 // द्विविधः पुनः स्वभावो, निर्दिष्टः साश्रवस्तदितरश्च / आद्यः सत्पुण्यात्मा, विनिर्जरात्मा द्वितीयस्तु // 121 // अस्मादृशाऽनुमेयो, द्विविधोऽप्ययमत्र योगिनां दृश्यः / कार्यं सुन्दरभावाः, प्रत्यात्मस्फुटतरास्ते च // 122 // शास्त्रानुभवज्ञानात् त्रयमिदमिह पश्यता न किं दृष्टम् / पश्यामीत्यभिलापे, तन्त्रं खलु विषयताभेदः // 123 // .33
