________________ चतुर्थोऽन्यमनोग्राही, मनःपर्यायनामकः / निर्वाणसार्थवाहोऽयं, पञ्चमः केवलाभिधः / // 1368 // प्रकर्षः प्राह सर्वं मे, त्वया मातुल ! दर्शितम् / नत्वद्यापि स संतोषो, यद्दिदृक्षा पराऽस्ति मे // 1369 // विमर्शः प्राह संतोषः, संयमस्यायमग्रगः / भृत्यश्चारित्रधर्मस्य, सन्धिविग्रहकृत्रयी // 1370 // नियुक्तस्तन्त्रपालत्वे, निपुणो मूलभूभुजा / अनेन स्पर्शनादीनि, जित्वा नीताः शिवं जनाः // 1371 // अस्योपरि समायाता, महामोहादिभूभुजः / युद्ध्यन्ते च सहानेन, ज्ञात्वैनं मूलभूभुजम् // 1372 // चित्तवृत्तिमहाटव्यामेतेषामस्य चाहवः / जायते क्रमिकोत्सर्पन्मिथोजयपराजयः. // 1373 // मया प्रदर्शितस्तुभ्यमेष संतोषतन्त्रपः / भार्याऽस्य दृश्यते रम्या, नाम्नेयं निष्पिपासता // 1374 // लाभालाभे सुखे दुःखे, समभावं तनोत्यसौ / विषयेषु च सर्वेषु, निस्तृष्णं कुरुते जनम् // 1375 // एते चारित्रधर्मस्य, प्रोक्ताः स्वाङ्गिकबान्धवाः / ये त्वेते वेदिकाभ्यर्णे, दृश्यन्ते मण्डपस्थिताः // 1376 // शुभाशयादयोऽस्यैव, तेऽसंख्याता: पदातयः / कार्याणि सुन्दराण्यस्याज्ञया लोकेषु कुर्वते // 1377 // वणितं सर्वमास्थानं, तदिदं ते समासतः / पूर्णोत्कण्ठोऽसि यदि तद् गच्छावो द्वारि साम्प्रतम् // 1378 // एवमस्त्विति तेनोक्ते, ताभ्यां निर्गत्य वीक्षितम् / चतुरङ्गं बलं शौर्यगाम्भीर्यादिरथोद्धतम् // 1379 // 245
