________________ अक्षयस्थितिमपि स्फुटपातो-त्पातकन्दुकसमभ्रमभाजम् / आयुराख्यनृपतिः कुरुतेऽसौ, हुस्वदीर्घचलडिम्भचतुष्कः // 662 // नामनामकनृपस्त्रिनवत्या, मानुषैर्दृढबलैश्च युतोऽयम् / ... देहजातिगमनादिविभेदैः, कं विडम्बयति नात्र मनुष्यम् // 663 // उच्चनीचपुरुषद्वययुक्तो, गोत्रनामकनृपः प्रथितोऽयम् / . देहिनां वितनुते भृशमभ्रभ्रामणक्षितिनिपातनलीलाम् // 664 // अन्तराय इति विश्रुतनामा, ह्येष दीप्तनरपञ्चकयुक्तः / भूपतिवितरणादिकलब्धी-देहिनां दलयति स्वबलेन // 665 // वर्णिता भूभुजः सप्त, तदेते लेशतो मया / / वर्णनं विस्तरेणैषां, नायुषाऽपि समाप्यते / // 666 // इत्येनामतिगम्भीरां, श्रुत्वा मातुलभारतीम् / प्रकर्षः कलयन् हर्षमिदं वचनमब्रवीत् // 667 // एतेषां वर्णनं राज्ञां, कुर्वता मातुल ! त्वया / शङ्काशङ्ख निरस्याहं, मोचितो मोहपञ्जरात् // 668 // केवलं किञ्चिदद्यापि, प्रष्टव्यमवशिष्यते / . कर्णप्राघूर्णकीकृत्य, तन्मह्यं वक्तुमर्हसि // 669 // विमर्शः प्राह यद् भद्र, रोचते पृच्छ तत् सुखम् / प्रकर्षः प्राह चित्तेऽसौ, विस्मयो मम जृम्भते - // 670 // यदाऽहं नायकान् प्रेक्षे, कीर्त्यमानेषु राजसु / परिवारं न पश्यामि, तदा भानीव वासरे // 671 // परिवारं यदा प्रेक्षे, न तदा नायकानहम् / वितताक्षोऽपि पश्यामि, यामिन्यामिव भास्करम् (त्रिभिविशेषकम्) / / 672 // परिवारयुता प्रोक्ता, नायका भवता पुनः / दृष्टेष्टार्थविसंवादस्तदयं बाधते मम // 673 // 186
