________________ एकैकमर्थं नियतिस्वभाव-कर्मेशकालेष्ववलम्ब्य मत्ताः / भ्रमन्ति भिन्नागमवादिनोऽस्या, निर्देशरश्मिप्रसभप्रणुन्नाः // 581 // विध्यातदीपप्रतिमी च केचि-दन्ये च मुक्तिं गुणनाशमाहुः / चित्तस्य चान्ये क्षणिकं विलास-मेतत्कृताकूतविभेददोषात् / / 582 / / इयं कुदृष्टिर्जगतीजनानां, कदाग्रहस्यैव करोति कण्डूम् / मुहुर्मुहुर्यद्वशगा मनुष्या, घृष्टैव जिह्वामबला म्रियन्ते // 583 // विष्टरे महति यश्च निविष्टो, दृश्यते पृथुविसृत्वरकान्तिः / आगमप्रणयपादपनागं, रागकेसरिणमेनमवेहि // 584 // संक्रमात् पितुरशेषगुणानां, कार्यभेदविरहादमुना च / सार्थका न विहिता न पिता वै, जायते सुत इति श्रुतिरेषा // 585 // तं विधाय युवराजमशत्रु, मोहभूपतिरभूद् गतचिन्तः / दर्पणे मुखमिवात्र च दत्तं, राज्यमस्य बहुधाम पुपोष // 586 // लम्भितोऽपि घनराज्यविभूती-नैष तातविनयं प्रमुमोच / प्रापितो हि मधुना फलभारं, नम्रतां त्यजति किं सहकारः।। 587 // काममस्य वपुषा पुपुषे श्री, राज्ययौवनमदोल्लसितेन / अम्बरप्रपतदम्बुदधारा-जातडम्बरकदम्बवनस्य // 588 // धर्मतत्फलनिराकृतिपादा-वस्य पीनदृढदुर्मतिपार्णी / राजतो दशतताध्यसमाधि-स्थाननामकनखोन्मिषदाभौ // 589 / / भाति गुल्फयुगमस्फुटमुच्चै-नैरपेक्ष्यममि लोकयुगेऽस्य / शून्यताक्षणिकतामतसंज्ञे, जानुनी कलयतश्च दृढत्वम् // 590 // व्यक्तिकार्यकृतभूतचिदात्म-ख्यातितर्कयुगमांसलजङ्घः / भात्यसौं निखिलमण्डलतन्त्रा-चारविस्फुरदुरःपरिणाहः // 591 // सत्यनित्यपरमात्मविलोपा-क्षेपयुग्ममतिदीर्घममुष्य / / दोर्युगं कलयति श्रियमुच्चै-र्जानुलम्बि पविदण्डविडम्बि॥ 592 // 179
