________________ इदं पुरस्ताद्विपुलं प्रमाद-विलासरूपं पुलिनं प्रतीहि / अस्तोकबिब्बोककयक्षलीलो-पहासभूयःसिकताभिरामम् // 392 // उदीतसङ्गीतकलाचिलास-स्फुटीभवत्सारसहंसलीलम् / विकाशिकाशोपमरागपाश-विस्तारसंछनविशुद्धशीलम् // 393 // औत्सुक्यहालामदघूर्णमाना-विवेकिलोकैः कृतविभ्रमौघम् / विस्तारिसंज्ञापवनोमिलीला-तरङ्गितं क्षौममिवोज्ज्वलश्रि // 394 // उज्जीवयत्येव विकारमेत-न्महामुनीनामपि शान्तमन्तः / वनद्रुमौघं वनवह्निदग्धं, विशिष्टवृष्टेरिव सन्निपातः // 395 // यमीक्षसे मण्डपमेष चित्त-विक्षेपनामा विपुलानुभावः / प्रविष्टमात्रस्य किलात्र जन्तोः, सन्तोषगन्धोऽपि रति न दत्ते // 396 // विष्णोरिवाब्धिर्गिरिकन्दरेव, सिंहस्य कैलास इवेश्वरस्य / शृङ्गं त्विषां पत्युरिवोदयाद्रे-रौन्नत्यकृन्मोहमहीभृतोऽयम् // 397 // अत्र प्रविष्टं यदपीन्द्रजालम्, पुनः पुनः कल्पयतीन्द्रजालम् / महेन्द्रजालं तदसावनिष्टा-धिष्ठानधीः किं न जगज्जनानाम्।। 398 // सरागतोद्यत्परभागनागद्युमर्त्यलोकेषु यदस्ति वस्तु / अत्र स्थितेरेव जनोऽनुभावात् सर्वत्र तत्र भ्रमतीति चित्रम्।। 399 / / गतोऽत्र लोको ग्रहचक्रगत्या, न चङ्कमेभ्यो यदुपैति खेदम् / तदेष धत्ते नभसो विलासं, शून्यस्य चान्तर्बहिराततस्य // 400 // प्राप्नोति लोकोऽत्र विना श्रमेण, दोलाविलासस्य सुखानुभूतिम् / वसन्तमस्मिन्ननुवर्तमानो, मोहं न को हन्त तदेति हर्षम् // 401 // अयं स्ववीर्यान्मनसो जनाना-मेकाग्रतां मुक्तिकरी निहन्ति / इह प्रविष्टाः कलयन्ति मोहात्, तापभ्रमोन्मादविरत्यपायान्॥ 402 // अन्तर्नृपाणां सुखहेतुरेष, बहिर्जनानां गुणविप्लवाय / ' निशाविलासः खलु तामसानां, रुच्योऽपि पुंसां तनुतेऽक्षिमुद्राम्।। 403 // 13
