________________ ज्ञापिता रसनालाभं, जडेनाचारुताऽन्यदा / माता सन्तुष्टचित्तेन, जनकश्चाशुभोदयः . // 272 // तावप्यथाहतुस्तस्य, सुधावृष्टिसमं वचः / पुण्येनेयं त्वया लब्धा, लाल्यते चेति शोभनम् // 273 // इष्टं पित्रुपैदिष्टं चेत्यतिलुब्धोऽजनिष्ट सः / एकं हि स्वैरिणी योषाऽन्यच्च कोकिलकूजितम् // 274 // शुभोदयः पिता स्वीयो, जननी चारुता तथा / इतो विचक्षणेनापि ज्ञापितौ रसनागतिम् // 275 // बुद्धिस्तथा प्रकर्षश्च, विमर्शश्चेत्यमी त्रयः / ज्ञापिता रसनाप्राप्ति, कुटुम्बं मिलितं च तत् // 276 // ततः शुभोदयः प्राह, वत्स ! त्वमसि तत्त्ववित् / तथाऽप्यस्या न विश्वासः, कर्तव्यो भवता क्वचित् // 277 / / नारी तावत् समस्ताऽपि, प्रायः पवनचञ्चला / क्षणं रक्ता विरक्ता च, सन्ध्याभ्रपटलोपमा दुर्ग्रहा वारिविधुवन्नदीवन्नीचगामिनी / दृष्टिबन्धेन्द्रजालाभा, कौटिल्याहिकरण्डिका // 279 // साक्षादकन्दरा व्याघ्री, विषवल्लिरभूमिजा / अनिन्धनाऽनलज्वाला, विद्युदस्तनयित्नुजा // 280 // एषा त्वेका वनचरी, रसना लोलताऽन्विता / . अतिगूढचरित्रा मे, भाति नैव तवोचिता (चतुर्भिः कलापकम्)॥ 281 // न ज्ञायते कुतस्त्येयं, केनेह प्रेषिताऽथवा / मूलशुद्धिस्त्वया कार्या, तदस्याः सङ्गमिच्छता // 282 // अप्रमादपरोऽप्युच्चैर्मूलशुद्धेरकारकः / पुमान् प्रयाति निधनं, स्त्रीणां हृदयमर्पयन् // 283 // 153
