________________ स्वस्थानमानीय मया शरीरादभिन्नरूपोऽभिमतः स बन्धुः / सर्वत्र कार्येऽधिकृतश्च गूढं, स्थितं न नौ किञ्चन रागभाजोः // 32 // असच्च सद्भूतमसत् सदेव, कृतं मयाऽध्यक्षमपि प्रसह्य / तस्य प्रसादान ममापराधगन्धोऽपि लग्नो निहितः परेषु // 33 // जातस्ततोऽहङ्कृतशैलराजमहामृषावाददृढप्रसङ्गः / भयङ्करोऽम्भोधिरिव प्रनृत्यत्तिमिङ्गिलो भीमभुजङ्गराजः // 34 // शैलराजमृषावादसङ्गाद् दोषा भवन्ति ये / पुण्योदयप्रभावेन, प्रलीयन्ते च तेऽखिलाः // 35 // स्वप्नेऽपि. न मया ज्ञातमेतत् तस्य विजृम्भितम् / शैलराजमृषावादौ परं ज्ञातौ गुणावहौ। // 36 // कलाग्रहणकालेऽथ, कलाचार्य विधानतः / सम्पूज्य पित्रा तस्याहं, प्रथितोत्सवमर्पितः // 37 // उक्तश्चाहं त्वया पुत्र, समाराध्योऽयमादरात् / विद्यार्थिना कलाचार्यः, प्रणिपातविधायिना // 38 // मयोक्तं किं विजानीते, वराकोऽयं ममाग्रतः / तवानुरोधाद् गृह्णामि, कलाः कुर्वे नतिं तु न // 39 // रह:स्थितं ततस्तातः, कलाचार्यमभाषत / नोद्वेगोऽस्य त्वया कार्योऽविनयं प्रेक्ष्य मानिनः तद्वचोऽसौ प्रतिश्रुत्य, दध्यौ बाल्यविजृम्भितम् / 'मानोऽस्य शास्त्रबोधेऽयं, स्वयं नम्रो भविष्यति // 41 // ततोऽसौ सर्वयत्नेन, प्रवृत्तो मम पाठने / पठन्ति तत्र चान्येऽपि, विनीता राजदारकाः // 42 // शैलराजः प्रवृद्धः स्यादादरेणाथ मे गुरोः / ततो जात्यादिनाऽऽचार्य, हीलयामि प्रतिक्षणम् // 43 // 133 // 40 //
