________________ असौ निवेदितस्तस्य, स्वाभिप्रायो मयाऽन्यदा। न्यवेदि मे परं गुह्यं, स्ववशं प्रेक्ष्य तेन माम् // 20 // ममास्ति स्तब्धचित्ताख्यं, स्ववीर्योत्थं विलेपनम् / ... प्रतिक्षणं त्वया देयं, हृदये तत् सुखाशया : // 21 // वाचामगोचरस्तस्य, वक्ष्यत्यनुभवः फलम् / .... इत्युक्त्वा स ददौ तन्मे, हृदि दत्तं मयाऽपि तत् // 22 // तत्प्रभावादहं जातः, स्तब्धः कीलितकन्धरः / सुतरां प्रणता लोका, विश्वासोऽभूद्विलेपने // 23 // गतोऽन्यदाऽहं नगरेऽन्तरङ्गे, संक्लिष्टचित्तेऽखिलदुःखवासे / तृष्णाऽनिलान्दोलितकृष्णनीलकापोतलेश्याविलसत्पताके // 24 // असङ्ख्यदुर्ध्यानरथप्रचारलोकप्रवाहाभिधराजमार्गे / विकल्पसंचित्रितचित्तसंज्ञाकपोतपालीकृतकौतुकौघे // 25 // अद्राक्षमस्मिन्नतुलप्रतापमुत्पत्तिभूमिं बहुदूषणानाम् / निबद्धवैरं सह बोधराज्ञा, पत्येव राहुग्रहमौषधीनाम् // 26 // क्लिष्टाशयं नाम नृपं प्रमादप्रपञ्चसंसूत्रणसूत्रधारम् / सद्भूतवादद्विपपञ्चवक्त्रं, विजं च वेतालमिवेष्टसिद्धेः (युग्मम्) | // 27 // प्रिया मया तस्य च हीनताख्या, दृष्टा निकृष्टाशयवर्गसेव्या / / प्रवर्तिका निन्द्यतरक्रियाणां, तमोमयी कालनिशेव साक्षात् // 28 // तयोर्मुषावाद इति प्रसिद्धः, सद्बोधशैले दृढवज्रपातः / स्नेहद्रुमोच्छेदकुठारकल्पः, संकल्पवल्लीवनवारिवाहः // 29 // सुतः समस्ताङ्गिहितोपलोपी, कुतश्चिदप्यक्षतबाहुवीर्यः / . अनायि नेत्रातिथितां कुमार्गोपदेशदक्षः कृतमोहपक्षः // 30 // मया महामोहविमोहितेन, न लक्षितं किञ्चन तत्स्वरूपम् / अहं समालिङ्गितवांस्तदैव, दृष्ट्वा परं तं हितबन्धुबुद्ध्या // 31 // 132
