________________ जगौ गुरुरिदं भूप ! सुष्टुक्तं क्षत्रियोचितम् / तदा भूपेन विमलमतेर्वदनमीक्षितम् | // 720 // त्याज्यं राज्यं मयेत्युक्ते, स जगौ मन्त्रिपुङ्गवः / न तवैवोचितं ह्येतदुचितं पर्षदोऽप्यदः // 721 // केचिंद् भीतास्तदाकर्ण्य, बलात्प्रव्राजनाभिया / प्रद्विष्टा गुरुकर्माणो, नीचाश्चाशु पलायिता: // 722 // मुदिता लघुकर्माणः, प्रपन्नं तद्वचश्च तैः / प्रमोदवर्धने चैत्ये, ययुः सर्वेऽन्तिकस्थिते // 723 // कृता भगवतां पूजा, तत्रोदारा यथाविधि / प्रवर्तितानि दानानि, कारितं बन्धमोचनम् // 724 // आकार्य तनयं स्वं च, नगरात् श्रीधराभिधम् / राज्यं दत्त्वा नृपस्तस्मै, ललौ दीक्षां सहाखिलैः // 725 // दत्ता निर्वेदजननी, गुरुणा देशना तदा / गता देवादयः स्थानमानन्दभृतमानसाः .. // 726 // सुधाभमपि तत्सूरेर्वचः परिणतं न मे / प्रत्युतान्तिकमायाती, हिंसावैश्वानरौ तदा // 727 // प्रविष्टौ मम गात्रे तौ, मोचितश्चास्मि बन्धनात् / नियुक्तै राजपुरुषैः, सर्वबन्धविमुक्तये // 728 // चिन्तितमहमेतेन, सभामध्ये विगोपितः / तदत्र किं स्थितस्यास्य, श्रमणस्यान्तिके मम // 729 // . ततो गतोऽहं. विजयपुराभिमुखमध्वनि / दृष्टश्च प्रातिपथिकोऽन्तरा नाम्ना धराधरः // 730 // मत्कल्पः सोऽपि विजयपुरान्निष्काशितः सुतः / . राज्ञा शिखरिणा हिंसावैश्वानरकलङ्कितः // 731 // . 127
