________________ सनिमम् प्रस्थितोऽहमिति श्रुत्वा, हिंसावैश्वानरेरितः / सहैव मणिमञ्जर्याऽऽयाता कनकमञ्जरी .. // 528 // गतो जयस्थलाभ्यर्णमथाच्छित्रप्रयाणकैः / क्रूरचित्तप्रभावेन, साक्षाद्वैश्वानराकृतिः // 529 // मद्रूप एव जातोऽसि, तदा वैश्वानरो जगौ / तव सात्म्यं गतवैषा, हिंसापीति न संशयः // 530 // ददृशे तावदेवोच्चैः, प्रौढं परबलं मया / आगतं मबलं दृष्ट्वा, सन्नह्याभिमुखं च तत् // 531 // गर्जद्गजबलं वल्गदश्ववारकदम्बकम् / तदैवायोधनं लग्नमुद्वेलाम्बुधिसन्निभम् // 532 // प्रनष्टा मद्भयः सर्वे, यवनस्य बलात् ततः / अहं त्वभिमुखं योद्धं, गतः सत्वरमेककः / // 533 // स्वयं यवनराजोऽथ, सह योद्धं मयाऽऽगतः / स्थौ चातीव मिलितो, रभसादुभयोस्ततः // 534 // पतितोऽहं रथे तस्य, द्रुतमुत्पत्य सिंहवत् / शीर्षं तस्य स्वहस्तेन, त्रोटितं पुष्पवृन्तवत् // 535 // बलं मम परावृत्य, तदायातं मदन्तिकम् / पपात पुष्पवृष्टिश्च, सुरैर्मुक्ता ममोपरि // 536 // आयातोऽथ पुरात् तातो, नतं मूर्ध्नि चुचुम्ब माम् / शंमयन्ती वियोगाग्निमम्बा च प्रमदाश्रुभिः // 537 // बन्दिभिर्गीयमानोऽथ, मात्रा तातेन चान्वितः / प्रविष्टोऽहं पुरं स्वीयं, मुदितै गरैः स्तुतः // 538 // गतोऽथ स्वीयमावासं, स्थित्वा राजकुले क्षणम् / . कृत्वा दैवसिकं कृत्यं, निशि सुप्तः सुखालसः // 539 // 111
