________________ कर्तव्योऽस्याः प्रसादाय, सागसां चाऽप्यनागसाम् / वधस्त्वयाऽविमृश्यैव, मम वाक्यानुयायिना // 360 // मत्तोऽप्यभ्यधिकं तेजः, प्रसन्नेयं प्रदास्यति / यस्य ब्रह्मण्डभाण्डेऽपि, द्रुतिर्भवति तापतः // 361 // तथेति प्रतिपद्याथ, गच्छता मयका पथि / हरिणाद्या हता हन्त, वन्या जीवाः सहस्रशः // 362 // ततः सांस्कारिकं तेजो, हिंसया मे प्रसन्नया / दत्तं वैश्वानरगिरां, जातः सुप्रत्ययस्ततः . // 363 // इत्थं कनकचूडस्य, देशाभ्यणे वयं गताः / तत्र चैकोऽस्ति विषमकूटो नाम महागिरिः // 364 // तस्मिन् कनकचूडस्य, मण्डलोपद्रवे रताः / अम्बरीषाभिधाः सन्ति, लुण्टाकाः कुटिलाशयाः // 365 // पूर्व कनकचूडेन, बहुशस्ते कर्थिताः / तैर्वम रुद्धमेष्यन्तं ज्ञात्वा कनकशेखरम् .. // 366 // प्रत्यासन्ने बलेऽस्माकं, ते चौरा द्रागुपस्थिताः / व्याला इव महामन्त्रकुण्डलीकृतमण्डले // 367 // लग्ने युद्धे रिपुभ्योऽस्मत्सैनिका दुद्रुवुस्ततः / व्यालेभ्यो मन्त्रविध्यर्थस्खलिता मान्त्रिका इव // 368 // प्रसपिण्याऽथ लुण्टाकसेनया म्लानतां ययौ / छाययेव शशी राहोः, सद्यः कनकशेखरः // 369 // अत्रान्तरे च प्रवरसेनश्चरटनायकः / मामभ्यापतितो मेघमुन्नतं शरभो यथा // 370 // संज्ञितोऽहं तदा वैश्वानरेणायोधनोद्यतः / क्रूरचित्तगुटीमेकां, भुक्त्वा जातोऽतितापवान् // 371 //
