________________ दिवसे वा रजन्यां वा, स्वप्ने वा जागरेऽपि वा। सशल्य इव चौर्येण, नैति स्वास्थ्यं नरः क्वचित् // 126 // मित्रपुत्रकलत्राणि, भ्रातरः पितरोऽपि हि / संसजन्ति क्षणमपि, न म्लेच्छैरिव तस्करैः // 127 // संबन्ध्यपि निगृह्येत, चौर्यान्मण्डिकवन्नृपैः / / चौरोऽपि त्यक्तचौर्य: स्यात्, स्वर्गभागौहिणेयवत् // 128 // दूरे परस्य सर्वस्व-मपहर्तुमुपक्रमः / उपाददीत नादत्तं, तृणमात्रमपि क्वचित् // 129 // परार्थग्रहणे येषां, नियमः शुद्धचेतसाम् / .... अभ्यायान्ति श्रियस्तेषां, स्वयमेव स्वयंवराः // 130 // अनर्था दूरतो यान्ति, साधुवादः प्रवर्तते / स्वर्गसौख्यानि ढौकन्ते, स्फुटमस्तेयचारिणाम् // 131 // वरं वह्निशिखा पीता, सांस्यं चुम्बितं वरम् / वरं हलाहलं लीढं, परस्वहरणं न तु // 159 // प्राय: परस्वलुब्धस्य, निःशूका बुद्धिरेधते। हन्तुं भ्रातृन् पितॄन् दारान्, सुहृदस्तनयान् गुरून् // 160 // परस्वं तस्करो गृह्णन्, वधबन्धादि नेक्षते / पयः पायीव लगुडं, बिडाल उपरिस्थितम् // 161 // व्याधधीवरमार्जारा-दिभ्यश्चौरोऽतिरिच्यते / निगृह्यते नृपतिभि-र्यदसौ नेतरे पुनः // 162 // स्वर्णादिकेऽप्यन्यधने पुरःस्थे, सदा मनीषा दृषदीव येषाम् / सन्तोषपीयूषरसेन तृप्तास्ते द्यां लभन्ते गृहमेधिनोऽपि // 163 // षण्ढत्वमिन्द्रियच्छेदं, वीक्ष्याब्रह्मफलं सुधीः / भवेत् स्वदारसन्तुष्टो-ऽन्यदारान् वा विवर्जयेत् // 132 // 58.
