________________ // 134 // // 135 // // 136 // // 137 // // 138 // रम्यमापातमात्रे यत्, परिणामेऽतिदारुणम् / किंपाकफलसंकाशं, तत्क: सेवेत मैथुनम् कम्पः स्वेदः श्रमो मूर्छा, भ्रमिग्लानिर्बलक्षयः / राजयक्ष्मादिरोगाश्च, भवेयुमैथुनोत्थिताः योनियन्त्रसमुत्पन्नाः, सुसूक्ष्मा जन्तुराशयः / पीड्यमाना विपद्यन्ते, यत्र तन्मैथुनं त्यजेत् रक्तजाः कृमयः सूक्ष्मा मृदुमध्याधिशक्तयः / जन्मवर्त्मसु कण्डूति, जनयन्ति तथाविधाम् स्त्रीसंभोगेन य: कामज्वरं प्रतिचिकीर्षति / स हुताशं घृताहुत्या, विध्यापयितुमिच्छति वरं ज्वलदयः स्तम्भ-परिरम्भो विधीयते / न पुनर्नरकद्वार-रामाजघनसेवनम् . सतामपि हि वामभू-र्ददाना हृदये पदम् / . अभिरामं गुणग्राम, निर्वासयति निश्चितम् . वञ्चकत्वं नृशंसत्वं चञ्चलत्वं कुशीलता / इति नैसर्गिका दोषा, यासां तासु रमेत कः प्राप्तुं पारमपारस्य, पारावारस्य पार्यते / स्त्रीणां प्रकृतिवक्राणां, दुश्चरित्रस्य नो पुनः नितम्बिन्यः पतिं पुत्रं, पितरं भ्रातरं क्षणात् / आरोपयन्त्यकार्येऽपि, दुर्वृत्ताः प्राणसंशये भवस्य बीजं नरक-द्वारमार्गस्य दीपिका / शुचां कन्दः कलेर्मूलं, दुःखानां खानिरङ्गना मनस्यन्यद्वचस्यन्य-क्रियायामन्यदेव हि / यासां साधारणस्त्रीणां, ताः कथं सुखहेतवः // 139 // // 140 // // 141 // // 142 // // 143 // // 144 //
