________________ इति स्मृत्यनुसारेण, पितॄणां तर्पणाय या / मूढ़ विधीयते हिंसा, साऽपि दुर्गतिहेतवे // 103 // यो भूतेष्वभयं दद्याद्, भूतेभ्यस्तस्य नो भयम् / यादृग्वितीर्यते दानं, तादृगासाद्यते फलम् // 104 // कोदण्डदण्डचक्रासि-शूलशक्तिधराः सुराः / हिंसका अपि हा कष्टं, पूज्यन्ते देवताधिया // 105 // मातेव सर्वभूताना-महिंसा हितकारिणी / अहिंसैव हि संसार-मरावमृतसारणिः // 106 // अहिंसा दुःखदावाग्नि-प्रावृषेण्यघनावली / भवभ्रमिरुगातना-महिंसा परमौषधी // 107 // दीर्घमायुः परं रूप-मारोग्यं श्लाघनीयता / अहिंसायाः फलं सर्वं, किमन्यत्कामदैव सा // 108 // . हेमाद्रिः पर्वतानां हरिरमृतभुजा, चक्रवर्ती नराणां, शीतांशुयोतिषां स्वस्तरुवनिरुहां चण्डरोचिङ्ग्रहाणाम् / सिन्धुस्तोयाशयानां जिनपतिरसुरामर्त्यमाधिपानां, यद्वत्तद्वव्रतानामधिपतिपदवीं यात्यहिंसा किमन्यत् // 146 // मन्मनत्वं काहलत्वं, मूकत्वं मुखरोगिताम् / वीक्ष्याऽसत्यफलं कन्या-लीकाद्यसत्यमुत्सृजेत् // 109 // कन्यागोभूम्यलीकानि, न्यासापहरणं तथा / कूटसाक्ष्यं च पञ्चेति, स्थूलासत्यान्यकीर्तयन् // 110 // सर्वलोकविरुद्धं य-द्यद्विश्वसितघातकम् / यद्विपक्षश्च पुण्यस्य, न वदेत्तदसूनृतम् // 111 // असत्यतो लघीयस्त्व-मसत्याद्वचनीयता / अधोगतिरसत्याच्च, तदसत्यं परित्यजेत् // 112 // . . 55
