________________ भवेद्वैमानिकोऽवश्यं, जन्तुः सम्यक्त्ववासितः / यदि नोद्वान्तसम्यक्त्वो, बद्धायुर्वापि नो पुरा // 94 // अन्तर्मुहूर्तमपि यः समुपास्य जन्तुः, सम्यक्त्वरत्नममलं विजहाति सद्यः बम्भ्रम्यते भवपथे सुचिरं न सोऽपि, तद्विभ्रतश्चिरतरं किमुदीरयामः 95 अदेवे देवबुद्धिर्या, गुरुधीरगुरौ च या / अधर्मे धर्मबुद्धिश्च, मिथ्यात्वं तद्विपर्ययात् // 59 // मिथ्यात्वं परमो रोगो, मिथ्यात्वं परमं तमः / / मिथ्यात्वं परमः शत्रु-मिथ्यात्वं परमं विषम् // 96 // जन्मन्येकत्र दुःखाय, रोगो ध्वान्तं रिपुर्विषम् / अपि जन्मसहस्रेषु, मिथ्यात्वमचिकिसितम् // 97 // मिथ्यात्वेनालीढचित्ता नितान्तं, तत्त्वातत्त्वं जानते नैव जीवाः / किं जात्यन्धाः कुत्रचिद्वस्तुजाते, रम्यारम्यव्यक्तिमासादयेयुः // 98 // सर्वज्ञो जितरागादि-दोषत्रैलोक्यपूजितः / . यथास्थितार्थवादी च, देवोऽर्हन् परमेश्वरः // 60 // ध्यातव्योऽयमुपास्योऽय-मयं शरणमिष्यताम् / अस्यैव प्रतिपत्तव्यं, शासनं चेतनास्ति चेत् // 61 // ये स्त्रीशस्त्राक्षसूत्रादि-रागाद्यङ्ककलङ्किताः / निग्रहानुग्रहपरा-स्ते देवाः स्युन मुक्तये // 62 // नाट्याट्टहाससङ्गीता-धुपप्लवविसंस्थुलाः / लम्भयेयुः पदं शान्तं, प्रपन्नान् प्राणिनः कथम् // 63 // न सर्वज्ञा न नीरागाः, शङ्करब्रह्मविष्णवः / प्राकृतेभ्यो मनुष्येभ्यो-ऽप्यसमञ्जसवृत्तितः // 99 // स्त्रीसङ्गः काममाचष्टे, द्वेषं चायुधसंग्रहः / व्यामोहं चाक्षसूत्रादि-रशौचं च कमण्डलुः // 100 // 47
