________________ कलिकालसर्वज्ञ पू.आ.श्रीहेमचन्द्रसूरिश्वरविरचितम् // योगशास्त्रम् // * प्रथमप्रकाशः नमो दुर्वाररागादि - वैरिवारनिवारिणे / अर्हते योगिनाथाय, महावीराय तायिने पन्नगे च सुरेन्द्रे च, कौशिके पादसंस्पृशि / निर्विशेषमनस्काय, श्रीवीरस्वामिने नमः // 2 // कृताऽपराधेऽपि जने, कृपामन्थरतारयोः / ईषद् बाष्पाईयोभद्रं, श्रीवीरजिननेत्रयोः // 3 // श्रुताम्भोधेरधिगम्य, सम्प्रदायाच्च सद्गुरोः / स्वसंवेदनतश्चापि, योगशास्त्र विरच्यते // 4 // योगस्यैव महात्म्यमाह योगः सर्वविपद्वाल्ली - विताने परशुः शितः / अमूलमन्त्रतन्त्रं च, कार्मणं निर्वृतिश्रियः .. भूयासोऽपि हि पाप्मानः, प्रलयं यान्ति योगतः / चण्डवाताद् घनघना, घनाघनघटा इव क्षिणोति योगः पापानि, चिरकालार्जितान्यपि / प्रचितानि यथैधांसि, क्षणादेवाशुशुक्षणिः कफविप्रण्मलामर्श - सर्वोषधिमहर्द्धयः / सम्भिन्नश्रोतोलब्धिश्च, यौगं ताण्डवडम्बरम् // 8 // चारणाशीविषावधि - मनःपर्यायसम्पदः / योगकल्पद्रुमस्यैता, विकासिकुसुमश्रियः अहो योगस्य माहात्म्यं, प्राज्यं साम्राज्यमुद्वहन् / अवाप केवलज्ञानं, भरतो भरताधिपः // 10 // 36 // 7 //
