________________ भावनास्वासु संलीनं विधायाध्यात्मिकं स्थिरम् / कर्म-पुद्गलजीवानां स्वरूपं च विचिन्तयेत् // 12 // नित्यमाभिर्यदा विश्वं भावयत्यखिलं मुनिः / विश्वौदासीन्यमापन्नश्चरत्यत्रैव मुक्तवत् // 13 // सर्वे भवसंबन्धा विनश्वरा विभवदेहसुखमुख्याः / अमरनरेन्द्रैश्वर्यं यौवनमपि जीवितमनित्यम् // 14 // अक्षार्था पुण्यरूपा ये पूर्वं स्युस्ते क्षणेन च / अक्षाणामिष्टतां दत्त्वाऽनिष्टतां यान्त्यहो क्षणात् // 15 // अशुभार्थः शुभार्थः स्याच्छुभार्थोप्यशुभस्तथा / रागद्वेषविकल्पेन भावानामित्यनित्यता // 16 // न त्राणं न हि शरणं सुरनरहरिखेचरकिन्नरादीनाम् / यमपाशपाशितानां परलोकं गच्छतां नियतम् / / // 17 // इन्द्रियभरानुभूतैरद्भुतनवरसकरैश्च निजविषयैः / श्रुतदृष्टलब्धभुक्तैर्यदि मरणं कि ततस्तैर्भोः // 18 // नीयमानः कृतान्तेन जीवोऽत्राणोऽमरैरपि / प्रतिकारशतेनापि त्रायते नेति चिन्तयेत् // 19 // संसारदुःखजलधौ चतुर्गतावत्र जन्मजरावर्ते / मरणार्तिवाडवाग्नौ भ्रमन्ति मत्स्या इवाङ्गभृतः // 20 // उत्पद्यन्ते विपद्यन्ते त्रसेषु स्थावरेषु च। . स्वकर्मप्रेरिता जीवाः संसारस्येतिभावनाः // 21 // शुभाशुभानां जीवोऽयं कृतानां कर्मणां फलम् / सोऽत्रैव. स्वयमेवैकः परत्रापि भुनक्ति च // 22 // . कलत्रपुत्रादिकृते दुरात्मा करोति दुष्कर्म स एव एकः / भुङ्क्ते फलं श्वभ्रगतः स्वयं च नायाति सोढुं स्वजनास्तदन्ते।॥ 23 // . . . 21
