________________ एवं तरतमजोएण सव्वखेत्तम्मि जइ मओ होइ / सुहुमो खेत्तपट्टो उक्कमेणं नवि गणेज्जा / // 203 // ओसप्पिणीए समया जावइया तत्तियाई मरणाई / जइया पत्ताई कमुक्कमेहिं अह बायरपट्टो // 204 // . सुहुमो पुण ओसप्पिणिपढमे समयम्मि जइ मओ होइ / अन्नाइ वि समणंतर बीए समयम्मि जइ मरइ // 205 // एएण कमेण पुणो ओसप्पिणिए उ सव्वसमएसु / जइ कुणइ पाणचायं कालपट्टो मुणेयव्वो // 206 // जे सुहुमागणिजीवा असंखलोयाण जत्तिय पएसा / जत्तिय तेउकायठिई एएसि चिय असंखगुणा // 207 // कायठिईएहितो अणुभागे जाणि बंधठाणाणि / ताणि असंखगुणाणि य संजमठाणाणि तावंति // 208 // अणुभागबंधठाणेसु चेव सव्वेसु जइ मओ होइ। अवियकमुक्कम बायर भावपट्टो मुणेयव्वो . // 209 // अणुभागबंधठाणे सव्वत्थवि मरइ कह वि जइ पढमे / तयणंतरं च बीए मरइ तओऽणंतरं तइए // 210 // एएण कमेण पुणो सव्वेंसु वि मरइ बंधठाणेसु। सुहुमो भावपरट्टो एसो नेओ समासेण . // 211 // इय गणियविसयपगरणमिणमो गाहाहिं सुहअपोहाहि / रइयं सिरियक्केसरसूरीहिं परोवयारत्थं // 212 // नामं पुण सिद्धंतुद्धारसारो भणंतु एयस्स / मोक्खत्थिणो बुहजणा सोहिंतु सुणंतु चितंतु // 213 // 243
