________________ पडियमसंखासंखे जहन्नए रूवहीणयं तं पि / उक्कोसं जुत्तासंखगं ति पुणरवि य तट्ठाणे : // 179 // पच्छिममुहाई मज्झिमजुत्तासंखेज्जगाइं भन्नति / जा जुत्तासंखेज्जं जहन्नगं जं पुरा भणियं // 180 // तोऽसंखासंखे जहन्नगस्स तियवारवग्गसंवग्गे / पक्खिविउं पक्खेवा लोगागासाइया दस उ // 181 // लोगागासपएसा 1 धम्मा 2 धम्मे 3 गजीवदेसा य 4 / दव्वट्ठिया निगोया 5 पत्तेया चेव बोद्धव्वा 6 // 182 // ठिइबंधज्झवसाणा 7 अणुभागा 8 जोगछेयपलिभागा 9 / दोण्हं समाण समया 10 असंखपक्खेवया दस उ // 183 // तो तिन्नि वार पच्छा वग्गियसंवग्गिओ इमो पडइ / अइक्कमिउं उक्कोसं परित्तणंते जहन्नम्मि // 184 // तो तम्मि रूवूणे उक्कोसमसंखसंखयं होइ। .. मझिंमअसंखसंखं होइ उ 'जा पच्छिमजहन्नं. // 185 / / जहन्नपरित्तणंते वग्गियसंवग्गियम्मि संतम्मि। अइक्कमिउं उक्कोसे जुत्ताणते जहन्नम्मि // 186 // जाइ तो रूवहाणी जा कज्जइ ताव होइ उक्कोसं / परित्तअणंतं पच्छामुहेसु सव्वेसु ठाणेसु .. // 187 // मज्झिमगपरित्ताणंतयंति तं भन्नए मुणिदेहि / जाव परित्ताणंतं जहन्नगं पुव्वनिद्दिटुं // 188 // जुत्ताणंतजहन्ने अभव्वजीवा वि एत्तिया चेव / सइ वग्गियम्मि संते जुत्ताणंतं अइक्कमिउं // 189 // पडियमणंताणते जहण्णगे तस्स रूवअवहारे / उक्कोसं जुत्ताणतयं ति संपज्जए तत्तो // 190 // 241
