________________ विश्लिष्टमिव प्लुष्टमिवोड्डीनमिव प्रलीनमिव कायम् / अमनस्कोदयसमये योगी जानात्यसत्कल्पम् .. // 995 // समदैरिन्द्रियभुजगै रहिते विमनस्कनवसुधाकुण्डे / .. .. मग्नोऽनुभवति योगी परामृतास्वादमसमानम् // 996 // रेचकपूरककुम्भककरणाभ्यासक्रमं विनाऽपि खलु / . स्वयमेव नश्यति मरुद्विमनस्के सत्ययत्नेन // .997 / / चिरमाहितप्रयत्नैरपि धर्तुं यो हि शक्यते नैव / सत्यमनस्के तिष्ठति स समीरस्तत्क्षणादेव // 998 // जातेऽभ्यासे स्थिरतामुदयति विमले च.निष्कले तत्त्वे / मुक्त इव भाति योगी समूलमुन्मूलितश्वासः // 999 // यो जाग्रदवस्थायां स्वस्थः सुप्त इव तिष्ठति लयस्थः / श्वासोच्छासविहीनः स हीयते न खलु मुक्तिजुषः // 1000 // जागरणस्वप्नजुषो जगतीतलवर्तिनः सदा लोकाः / तत्त्वविदो लयमग्ना नो जाग्रति शेरते नापि // 1001 // भवति खलु शून्यभावः स्वप्ने विषयग्रहश्च जागरणे / एतद्वितयमतीत्यानन्दमयमवस्थितं तत्त्वम् // 1002 // कर्माण्यपि दुःखकृते निष्कर्मत्वं सुखाय विदितं तु / न ततः प्रयतेत कथं निष्कर्मत्वे सुलभमोक्षे // 1003 // मोक्षोऽस्तु मास्तु यदिवा परमानन्दस्तु वेद्यते स खलु / यस्मिन्निखिलसुखानि प्रतिभासन्ते न किञ्चिदिव // 1004 // मधु न मधुरं नैताः शीतास्त्विषस्तुहिनद्युतेरमृतममृतं नामैवास्याः फले तु मुधा सुधा / / तदलममुना संरम्भेण प्रसीद सखे मन:, . . फलमविकलं त्वय्येवैतत्प्रसादमुपेयुषि // 1005 // 152
